Obyrdy emdeý qansha qarajatqa túsedi?

DDU málimetterine sáıkes, sońǵy 20 jyl ishinde álemde obyr aýrýyna shaldyǵý eki ese ósti. Iаǵnı 19,3 mln jaǵdaıǵa deıin. Dúnıe júzinde byltyr obyrdan 10 mln naýqas qaıtys boldy. Keýde, ókpe, jýan ishek jáne erkek bez obyrymen adamdar jıi aýyrady.

Densaýlyq saqtaý mınıstr­liginiń málimetteri boıynsha, 2020 jyly Qazaqstanda 32 myń­nan astam obyrdyń jańa oqı­ǵalary tirkelgen. Olardyń keı­biri pasıentke kómektesý óte kúr­­deli jaǵ­daıǵa soǵatyn sońǵy deń­geıinde anyqtalǵan. Esepke 190 myńǵa jýyq qazaqstandyq syrqat alynsa, byltyr onkoaýrýlardan 14 myńnan astam adam qaıtys bolǵan.

Qazaqstanda onkoaýrýdy em­­deýdi tolyq nemese ishinara usy­­natyn 180-nen astam medı­sı­na ortalyǵy tirkelgen. Mun­daı klı­nıkalar kóbinese Al­ma­ty­da (81), Nur-Sultanda (42) já­ne Qaraǵandyda (24) or­na­las­qan. Obyrdy emdeý qan­sha­ǵa túse­ti­nin shamalaý úshin onko­klı­nıka­lardaǵy jıi kórsetiletin qyz­met túrleriniń qunyn baıqap kórelik:

Maman keńesi – 2 myńnan – 20 myń teńgege deıin.

Zertteý jáne taldaý júrgizý – bir taldama úshin 2 myń teńgeden bastalady.

Aýrýhanaǵa jatqyzý – táý­li­gine 3 500 – 100 myń teńge.

Hımıoterapııa – 150 myń – 500 myń teńge.

Hırýrgııa – operasııanyń kúr­de­­liligine baılanysty 10 myń – 800 myń teńge.

Shetelde emdelý qajet bolsa, ne isteý kerek?

Dúnıe júzinde obyrdy ja­ǵymdy emdeıtin klınıkalar jáne medısına mamandary barshylyq. Biraq kóptegen qazaqstandyqtar oǵan qol jetkize almaıdy.

Otbasylyq bıýdjetke aýyrt­palyq túsirmeýdi, jaqsy klınıkada emdelýdi oılastyrǵandar ne­mese otbasy ótemaqy alaty­ny­na qam jemeıtin adamdar – jiti aýrý­­lardan emdelý úshin erikti saqtan­dy­rýdy tań­daıdy. Atalǵan baǵ­dar­la­ma­­lar­dyń erejelerine sáıkes, eger saq­­tandyrylǵan adamǵa dıag­oz qoıy­­latyn bolsa, saq­tan­dyrý kom­pa­nııa­sy emdelý shy­ǵyndaryn la­ıyq­ty sheteldik klı­nıkada tóleıdi.

«Baǵdarlamalar qazaqstan­dyq­tarǵa qoljetimdi bolý úshin saqtandyrý naryǵyna «Den­saý­lyqqa jazylym» ónimi en­gi­zildi. Bul baǵdarlama somasy 1 mln dol­larǵa deıin quraıtyn shetelde emdelý múmkindigin usy­nady: kar­dıohırýrgııa, tran­splan­tasııa, ońal­tý jáne basqa da qymbat medı­sınalyq qyzmet kórsetý túr­leri bar. Jazylym quny – aıyna bir adam­ǵa 15,1 dollardan bastalady. Tólemin ózińizge qolaıly túrde jasaýǵa bolady. Odan basqa, otbasylyq jáne kor­poratıvtik toptamalary bar», dep túsinikteme berdi Freedom Finance Life О́SK.