Ispanııanyń Sıtjes qalasynda shahmattan ótken komandalyq álem chempıonatynda Qazaqstannyń áıelder quramasy shırek fınaldan asa almady, dep habarlaıdy Egemen.kz.
Jarysqa qatysýshy 12 komanda alty-altydan eki topqa bólindi. Quramynda Jansaıa Ábdimálik, Dınara Sádýaqasova, Merýert Kameledınova jáne Gúlmıra Dáýletova syndy sulýlary bar qazaqstandyqtar Germanııa (2,5:1,5) jáne Amerıkadan (2,5:1,5) basym túskenimen, Ýkraınaǵa (1,5:2,5) ese jiberdi. Týrnırdiń basty favorıtteriniń biri – Grýzııamen (2:2) teń oınadyq. Sońǵy kezdesýde qazaqstandyqtar Polshamen kezdesip, kózdegen nátıjesine qol jetkize aldy. 7 upaıdy oljalaǵan jerlesterimiz V tobynda úshinshi oryndy ıelendi. Aldymyzda – Grýzııa (8 upaı) men Ýkraına (7 upaı). Amerıka elderiniń quramasy (3 upaı) tórtinshi satyǵa taban tiredi.
Al A tobynda Reseı ozdy. Olar 100 paıyzdyq nátıje kórsetti. Odan keıingi oryndardy Úndistan (7 upaı), Armenııa (5 upaı) men Ázirbaıjan (4 upaı) enshiledi.
Shırek fınalda Úndistanmen sheberlik baıqastyq. Alǵashqy kezdesýde teń esep (2:2) tirkelgenimen, ekinshi matchta jerlesterimiz (1,5: 2,5) jeńilis taýyp, jarysty aıaqtady.