Sezimdi selt etkizgen spektakl

Álemge jaıylǵan indettiń ke­sirinen eńsesi basylyp qalǵan el spektaklden sergip shyqty. Kirshiksiz mahabbat sezimi men adaldyq qasıetterdi arqaý etken qoıylymnan keıin kórermenniń bir serpilip qalǵanyn baıqadyq. Teatr foıesinde qaýqyldasyp, qoıylymdy talqylasyp uzaq turdy el. 

– Rýhanı jıyndarǵa shóldep qalyppyz. Tragedııalyq qoıy­lymnyń ózinen keremetteı áser alyp shyqtyq. «О́mir – teatr» degendeı, ómirdegi keıipkerlerdi sahnadan kórip otyrdym. Mine, teatrdyń 22 maýsymy ashyldy. Endigi kezekte, el amandyqta, esh kedergisiz qoıylymdar jalǵasa berse eken, – deıdi kórermen Aıdana Bolatqyzy.

Bul joly teatr maýsymy erek­she bastaldy. Foıege kıiz úı­diń ishki jabdyqtarynan úı­les­tirip, foto-zona jasaǵan. On­da kórermender shapan, kamzol kıip, sýretke túsisti. Al spek­takl bastalmas buryn aq kı­meshekti áje «alas-alas» dep, qa­zaqy dástúrmen sahnany alas­tap shyqty. Bul-daǵy bá­le-jala jolamasyn degen nıet qoı. Sondaı-aq jumysta jetis­tikterge jetip, belsendilik ta­nyt­qan qyzmetkerler marapat­taldy.

Sonymen qosh. Jaryq bir só­nip, qaıta janǵanda Qarabaıdyń aýylynan biraq shyqqandaı bol­dy kórermen. Azan-qazan aýyl. Ortada quraý-quraý dep, jyl­qysyn túgendegen Qarabaı júr. Kórermen oqıǵa jelisin bilip otyrǵanymen, ártisterdiń talantyna tańdaı qaqty. Qo­zy­ǵa qoqańdaǵan Qodardyń ró­lin­degi Arystanbek Muqııat, eki júzdi Jantyqtyń obrazyn oıda­ǵydaı alyp shyqqan Ernat Mu­hamethanov, Baıan sulýdy som­daǵan Araı Maralbekovalar naǵyz talantty ártister der edik.

Spektaklde qos ǵashyqtyń bir-birine degen adaldyǵy, mahabbatty kórinis tapty. Sonymen qatar dúnıeqońyzdyqtyń, qyz­­ǵa­­nyshtyń sońy san qaqty­ra­tyny jınalǵan qaýymǵa oı sal­ǵan shyǵar. Jalpy, qazaq hal­qynyń ádet-ǵuryptaryn tur­mys-salt jyrlarymen baılanystyra otyryp, sol kezdegi qoǵam tynysynan syr shertken qoıylym boldy.