Elordada esirtki jarnamalaǵan 16 saıtqa qatysty qylmystyq is qozǵaldy, dep habarlaıdy Egemen.kz.
Shamamen 20 telegramm-arna buǵattaldy. Esirtki jarnamalaǵandardyń kinási dáleldense, 6 jylǵa deıin bas bostandyǵynan aıyrylýy múmkin. Jalpy, bir apta ishinde bas shaharda 114 qylmys jasaldy. Onyń 76-sy táýlik ishinde ashyldy. 11 alaıaqtyq, 4 tonaý, 5 avtokólik urlyǵy, ózgeniń múlkin urlaý boıynsha 19 fakt jáne densaýlyqqa qasaqana zııan keltirý boıynsha 3 jaǵdaı anyqtaldy. Barlyq kúdikti ustalyp, qazir sotqa deıingi tergeý amaldary júrip jatyr.
«Jıyntyq kestege esirtkiniń jańa 29 túri boıynsha ózgertýler men tolyqtyrýlar engizildi. Qujatqa saı, esirtki zattaryn daıyndaǵan, satqan, tipti, tutynǵan azamattar qylmystyq jaýapkershilikke tartylady. Statıstıkaǵa súıensek, atalǵan qylmysqa qandaı da bir qatysy bar ár azamat orta eseppen 10 jylǵa sottalyp, jıǵan múlki tárkilenedi», dedi qalalyq Polısııa departamentiniń basqarma basshysy Sergeı Ilınyh.