2021 jyldyń birinshi jartyjyldyǵynda «Qaztemirtrans» AQ-nyń 4,8 myńnan astam vagony josparly jóndeýden ótti. Bul rette kúrdeli salymdar jospary boıynsha vagondardy jóndeý kólemi 117%-dy qurady, ıaǵnı ótken jylmen salystyrǵanda 34 vagonǵa artyq. 2021 jyly 2020 jylǵa qaraǵanda 9% kóp vagon kúrdeli jóndelgen.
Bıyl tamyz aıynda «Qaztemirtrans» AQ vagondar parki 42 myńnan astam vagondy qurasa, ortasha tozý 54%-dan asty.
Júk jóneltýshilerdi jaramdy jyljymaly qurammen qamtamasyz etý úshin osy jyly júk vagondarynyń parki jartylaı vagondardy lızıngke satyp alý esebinen tolyqtyrylady. Tamyz aıynyń sońynda 850 ashyq vagon satyp alyndy. Aǵymdaǵy jyldyń qyrkúıek aıynda taǵy 150 vagon jetkizildi.
2020 jyldyń qańtarynan bastap «Qaztemirtrans» AQ júk vagondaryn jóndeýdiń josparly túrlerin jasalǵan shartqa sáıkes servıstik kompanııa júrgizedi. Kompanııa úshin vagondardy jóndeý beıindi qyzmet emes ekendigine qaramastan, osy salany qatań taldaý jáne baqylaý júzege asyrylady.
Eske sala keteıik, «Qaztemirtrans» AQ – «Qazaqstan temir joly» UK» AQ 100% enshiles kompanııasy. Elimizdegi júk vagon parkiniń iri operatory tasymaldaýdy uıymdastyrý prosesin jaqsartý úshin únemi jumys isteıdi.