Qarjy naryǵyn retteý jáne damytý agenttigi elimizdegi kúmándi ınvestısııalyq qorlar men pıramıdalyq erekshelikteri bar uıymdardyń tizimin jarııalady, dep habarlaıdy Egemen.kz.
Tizimge 121 sýbekt, onyń ishinde qarjy pıramıdasynyń belgileri bar 56 uıym jáne 65 zańsyz ınvestısııalyq deldal (jalǵan broker) engizildi. Agenttik olardyń qyzmetinde zańsyz qyzmet belgilerin anyqtady.
«Tizimdi jarııalaý qarjylyq qyzmetterdi tutynýshylardyń quqyqtaryn qorǵaýǵa baǵyttalǵan jáne osyndaı kompanııalarǵa baılanysty táýekelderdiń ýaqtyly aldyn alýǵa múmkindik beredi. Sonymen birge osyndaı tizimdi qalyptastyrý naryqtaǵy ádil básekelestikti qoldaýdy jáne zańsyz qyzmet belgileri bar sýbektilerdi tıimdi túrde anyqtaýdy qamtamasyz etedi», delingen vedomstvo habarlamasynda.
Zańsyz qyzmet belgileri bar árbir kompanııa boıynsha ataýy, saıt mekenjaıy, zańsyz qyzmet sıpaty kórsetilgen. Budan ári aqparat turaqty túrde jańartylyp otyrady.
Kúmándi uıymdardyń tizimin myna siltemeden kórýge bolady.