Sınoptıkter 9-11 qazanǵa arnalǵan aýa raıy boljamyn usyndy, oǵan sáıkes respýblıkamyzdyń batysy men soltústiginde kún qaıta jylynady, dep habarlaıdy Egemen.kz.
«Reseıdiń eýropalyq bóligin qushaǵyna alǵan qatty antısıklon jaýyn-shashynsyz aýa raıyn qalyptastyryp, elimizdiń batysy men soltústik-batysyna jyly aýanyń yǵysyp kelýine sebep boldy. Bul aımaqtarda synap baǵany kúndiz +15 +20 gradýsqa deıin kóteriledi.
Qazaqstannyń qalǵan aýmaǵy tómen qysymdy óristiń jáne onymen baılanysty atmosferalyq fronttardyń áserinde bolady, qar aralas jańbyr jaýady, ońtústik oblystarda burshaq túsip, jel ekpini kúsheıedi. Respýblıkamyzdyń soltústiginde, shyǵysynda, ortalyǵynda jáne ońtústiginde túnde jáne tańerteń tuman túsedi dep kútiledi», dep habarlaıdy «Qazgıdromet» RMK.
Boljam boıynsha respýblıkamyzdyń soltústiginde, ortalyǵynda jáne shyǵysynda synap baǵany kúndiz +7+15 gradýstan 0+7 gradýsqa deıin, ońtústik oblystarda +3+8 gradýsqa deıin tómendeıdi dep kútiledi. Taýly aımaqtarda -3 gradýs úsik júredi, kúndiz +10+15 gradýs jyly bolady.