12 qazan, seısenbide, Kıevte Ýkraına men Eýropalyq Odaqtyń 23-shi sammıti ótip jatyr, dep habarlaıdy Egemen.kz.
Sharaǵa Ýkraına prezıdenti Vladımır Zelenskıı, Eýropalyq keńestiń basshysy Charlz Mıshel jáne Eýropalyq komıssııanyń basshysy Ýrsýla fon der Leıen tóraǵalyq etedi.
Kóshbasshylar Ýkraına men EO arasyndaǵy tereń jáne jan-jaqty erkin saýda aımaǵy, energetıkalyq qaýipsizdikti qamtamasyz etý men salalyq yntymaqtastyqty tereńdetý jónindegi Assosıasııa týraly kelisimdi júzege asyrýdaǵy jetistikter men ózara is-qımyldyń keleshegin talqylaıdy.
Kún tártibinde qaýipsizdik pen qorǵanys salasyndaǵy yntymaqtastyq máseleleri de qarastyrylady. Sammıt aıasynda Ýkraına men Eýropalyq Odaq arasynda birqatar kelisimderge qol qoıý josparlanýda.
Sammıttiń qorytyndysy boıynsha birlesken málimdeme qabyldanady. Ýkraınalyq BAQ-ta birneshe qujatqa qol qoıylǵany jaıly aqparattar jarııalanyp jatyr.