Eskekaıaqty qustardyń qataryna jatatyn bul birqazan ádette Balqashtyń jaǵalaýynda kezdesedi eken. Mańaıynda kól túgil, kólshigi joq Beloýsovka aýylyna qaıdan kelgeni belgisiz.
О́ndirisi damyǵan qala tıpti shaǵyn kenttiń aınalasy ań jortyp, qus shýlaıtyndaı jer emes. Al «Qyzyl kitaptaǵy» qońyr birqazan aýyldyń dál ortasyna qalaı tap boldy? Turǵyndardyń biri qımylsyz otyrǵan erekshe qusty kórip qalyp, polıseılerdi shaqyrtqan. Kúdiktense kerek. О́tken jyldary Shyǵystyń shekarasyndaǵy aýyldarda qyzyl ıeroglıfti mór soǵylǵan kógershinder kezdesken. Sóıtsek, jarysqa qatysatyn qoldyń kepterleri eken. Tordan shyǵyp, shekara assa kerek.
Qońyr birqazan kúzgi kóshi-qon kezinde qatarynan qalyp qoıǵan sekildi. Taýyp alǵan azamattardyń aıtýynsha, adamdardan qashýǵa áli qalmaǵan. Polıseıler kele sala, sırek qusty saqtap qalý úshin veterınarııa qyzmetkerlerin shaqyrtqan. Olar О́skemendegi veterınarlyq klınıkaǵa alyp ketip, tekserý, emdeý jumystaryn júrgizetinderin aıtqan.
Ornıtolog, ólketanýshy Borıs Sherbakovtyń aıtýynsha, «Qyzyl kitaptaǵy» bul birqazan dene turqy jaǵynan eń kishkentaıy. Salmaǵy ári ketkende 4,5 kılo ǵana tartady. Negizgi qoregi – balyq. Sýquzǵyndarmen birge aýlaıdy. Alaıda sýǵa súńgý qabileti joq. Jemin sýǵa basyn tyǵyp jiberip qana taýyp jeıdi.
Aıta keterligi, bıyl jyl qusy bolyp birqazan bekitilgen. Qazaqstan bıoalýandyqty saqtaý qaýymdastyǵy Qazaqstannyń qustardy qorǵaý odaǵymen birlesip, sırek qustarǵa nazar aýdarý úshin jyl saıyn «Jyl qusy» aqparattyq naýqanyn ótkizip keledi.