ANGA jelisindegi ystyqtaı myryshtaý jáne alıýmınılendirý sehynda jańa zamanaýı túıispe dánekerleý mashınasy iske qosyldy.
Qalyńdyǵy 0,4-2,0 mm jolaqtardy sapaly dánekerleýdi qamtamasyz etý úshin qoldanystaǵy dánekerleý mashınasyn zamanaýı Toshiba Mitsubishi-Electric Industrial Systems óndirýshisimen tolyq aýystyrý jobasy maquldandy. Eski mashına 1998 jyldan beri jumys istep tur. Mundaı jabdyqty uzaq ýaqyt paıdalaný dánekerleý sapasyna áser etip, dánekerlengen jolaqtardyń qalyńdyǵyn shekteıdi, bul óndiristiń sapasy men ónimdilik kórsetkishterin tómendetedi.
2021 jylǵy 5 qazanda «ArselorMıttal TMD» bas dırektory Vıdjaı Goııal jańa jabdyqty iske qosty. Qalypty rejimde dánekerleý mashınasynyń jumysy qaınatylǵan profılderdiń assortımentin 0,4-ten 2,0 mm-ge deıin keńeıtýge múmkindik beredi.
Esterińizge sala keteıik, bıyl Premer-Mınıstrdiń orynbasary Roman Sklıar men «ArselorMıttal TMD» bas dırektory Vıdjaı Goııal Úkimet pen «ArselorMıttal Temirtaý» AQ arasynda ózara túsinistik týraly memorandýmǵa qol qoıdy. emorandým sharttary boıynsha «ArselorMıttal Temirtaý» AQ jańǵyrtýǵa baǵyttalǵan ınvestısııalardy aıtarlyqtaı ulǵaıtady, onyń ınvestısııalyq kelisimshart sheńberindegi jıyntyq kólemi kelesi 10 jylda keminde 3 mlrd dollardy quraıtyn bolady. Bul rette osy somanyń basym bóligi kelisimdi oryndaýdyń alǵashqy bes jylynda ınvestısııalanady.