Dúnıejúzilik densaýlyq saqtaý uıymy koronavırýsqa qarsy vaksınasııa áli bastalmaǵan elderdi atady, dep habarlaıdy Egemen.kz.
Bul týraly DDSU saıtynda jazady.
Uıymnyń málimetinshe, koronavırýsqa qarsy vaksınasııa álemniń úsh elinde - Býrýndı, Erıtreıa jáne Soltústik Koreıada áli bastalmaǵan.
Sonymen qatar DDSU 56 el qyrkúıektiń sońyna deıin halqynyń 10 paıyzyna da vaksına sala almaǵanyn atap ótti, onyń basym bóligi - Afrıkada. Sebebi álem elderiniń jartysyna jýyǵynda vaksınasııanyń shekteýli usynystary, egý baǵdarlamasy bar, biraq maqsatqa jetý úshin vaksına qory jetkiliksiz. Osy jaǵdaıdy eskerip, DDSU vaksınamen qamtamasyz etetin elder men kompanııalarǵa COVAX jáne AVATAR jetkizilimine basymdyq berdi.