Paralımpıadalyq sport túri boıynsha úıirme ashyldy

Bochcha – Ejelgi Grekııada paıda bolǵan ınklıýzıvti oıyn. Ony dene daıyndyǵyna qaramastan balalar da, eresekter de oınaıdy. Aıta ketsek, bul sport túri serebraldy sal aýrýy jáne tirek-qımyl apparatynyń zaqymdanýy bar adamdar úshin damyp kele jatqan sport túrleriniń biri.

Halyqaralyq múgedekter kú­nine oraılastyrylǵan qa­ıy­­­­­rym­dylyq aılyǵy aıasyn­da О́skemen qalasyndaǵy bala­lar­ǵa arnaıy áleýmettik qyz­met kór­setý or­ta­lyǵynda beıim­del­gen sport seksııasy sal­ta­nat­ty túrde ashyldy. Úıir­me Samruk-Kazyna Trust áleý­met­tik jobalardy damytý qory­nyń kómegimen jumysyn bas­taıdy. Sonymen qatar jobaǵa elor­dalyq «Teń múmkindikter álemi» qoǵamdyq qory úlken úlesin qosty. «Teń múmkindikter álemi» qoǵamdyq birlestiginiń dırektory Nurgúl Úljekovanyń aıtýynsha, О́skemen – balalardyń beıimdelgen sportyn damytýdy qoldaýǵa baǵyttalǵan áleýmettik jobany iske asyryp jatqan 15-shi qala. Budan bylaı erekshe qajettilikteri bar balalar júıe­li túrde sportpen aınalysa alady.

«О́skemen balalarǵa arnalǵan arnaıy áleýmettik qyzmet kór­setý ortalyǵy» KMM dırektory Olga Batýevanyń aıtýynsha, bochcha oıyny balalardyń ońalyp ketýine septigin tıgizedi. О́ıtkeni ol dene damýy men bulshyq etti shynyqtyrýǵa arnalǵan.

Bochcha úıirmesine erekshe qa­jettilikteri bar 10 balaǵa deıin tegin qatysa alady. Olar­dyń ata-analary bul sport túri bala­lar­dyń jan-jaqty damýyna úlken úles qosatynyna senimdi.

– Meniń qyzymnyń sal aýrýy bar. Biz О́skemendegi arnaýly áleý­mettik qyzmetter or­ta­ly­ǵyn­daǵy ońaltýdan 7 jyl­dan beri ótip kelemiz. Mun­da ba­lalardyń damýy úshin qa­jetti emniń bárin alady. Ippo­te­rapııamen aınalysady, basseınge barady. Al jańa úıirmege qatysqan balalar shy­nyǵyp qana qoımaıdy, jarysqa qa­tysyp júldeli oryndarǵa ilinýi múm­kin, – deıdi Indıra Seke­nova.

Saltanatty is-shara sońynda «Teń múmkindikter álemi» qo­ry­nyń dırektory Nurgúl Úl­je­kova men arnaıy qyzmet kór­setý ortalyǵynyń dırektory Olga Batýeva Yntymaqtastyq týraly memorandýmǵa qol qoıyp, orta­lyqta jattyǵý jumystary jóninde kelisim jasasty.

Sondaı-aq qarasha aıynan bastap «Salamatty bolashaq» jo­basy aıasynda S.Amanjolov atyn­daǵy Shyǵys Qazaqstan ýnı­­versıtetiniń bazasynda taǵy bir ınklıýzıvti balalar sport seksııa­sy ashylady.