Saparlar maqsaty – túsindirý

Parlament Senatynyń depýtaty, Tabıǵatty paıdalaný jáne aýyldyq aýmaqtardy damytý komıtetiniń múshesi Qýanysh Aıtahanov Ońtústik Qazaqstan oblysynda jumys babyndaǵy saparmen boldy. Sapar barysynda senator Arys qalasy men Qazyǵurt, Ordabasy, Saıram jáne Tólebı aýdandaryndaǵy ekonomıka, áleýmettik jáne mádenı salalardaǵy ahýalmen tanysty. Q.Aıtahanov aýyl turǵyndarymen, máslıhat depýtattarymen, aýdan ardagerlerimen kezdesip, Prezıdenttiń «Qazaqstan joly – 2050: bir maqsat, bir múdde, bir bolashaq» atty halyqqa Joldaýynda belgilengen mindetterdi jan-jaqty túsindirdi.   Elbasynyń «Qazaqstan joly-2050: bir maqsat, bir múdde, bir bolashaq» atty Qazaqstan halqyna arnaǵan Joldaýynyń tarıhı mańyzy jaıly senator Jabal Erǵalıev Aqmola oblysynyń Jaqsy, Esil, Jarqaıyń aýdandaryna sapary kezinde halyqqa túsindirdi. – Biz táýelsiz elimizdiń HHI ǵasyrdaǵy basty mindetteri men baǵyt-baǵdaryn aıqyndap aldyq. Qazaqstan óz damýynyń jańa kezeńine shyqty, – dedi senator óz sózinde. – Elbasy Qazaqstannyń 2050 jyly álemniń asa damyǵan 30 eliniń qataryna ený mindetin qoıa otyryp, osy bıik mejege qol jetkizýdiń naqty qadamdaryn aıqyndap berdi. Elimizde júrgizile bastaǵan ındýstrııalandyrý baǵdarlamasyn oıdaǵydaı júzege asyrý, el birligin saqtaý, bilim men ǵylymdy damytý sııaqty keleli mindetter bizdiń tabysqa jetýimizdiń basty kepili. Jergilikti halyq Elbasynyń Máńgilik el bolý jaıly aıtqan ataly sózinen úlken áser alǵandyǵyn jáne bul bizdiń halqymyzdyń uly muraty bolýǵa tıisti ekendigin kóterińki kóńil kúımen jetkizdi.   Parlament Senatynyń depýtattary Lazzat Turlashov pen Nurlan Súleımenov Memleket basshysynyń «Qazaqstan joly – 2050: bir maqsat, bir múdde, bir bolashaq» Joldaýyn halyqqa túsindirý maqsatynda jurtshylyqpen kezdesýler ótkizdi. Senatorlar Taldyqorǵan qala­synyń ákimi Ermek Alpysovtyń kezekti esep berý jıynyna qatysty. Sharaǵa «ASPMK-519» holdınginiń ónerkásip ujym­darynyń ókilderi, sondaı-aq, ındýstrııalyq aımaqtyń eń­bek­shi­le­ri qatysty.   Parlament Senatynyń depýtattary Jumabek Tóregeldınov pen Lıýdmıla Poltorabatko Almaty qalasyndaǵy Túrksib jáne Bostandyq aýdandarynyń turǵyndarymen kezdesti. Jınalǵandar Qazaqstan Pre­zı­dentiniń «Qazaqstan joly –­ 2050: bir maqsat, bir múdde, bir bolashaq» atty halyqqa Joldaýynyń erejelerin jan-jaqty talqylaǵannan keıin Parlamenttiń zań shyǵarý qyzmeti týraly pikir almasyldy. Prezıdent Joldaýynyń negizgi erejeleri jyly shyraıda ótken kezdesýlerde qatysýshylar tarapynan qyzý qoldaý tapty. Sonymen birge, J.Tóregel­dı­nov pen L.Poltorabatko Almaty qalalyq sotynyń tóraǵasymen de kezdesip, qylmystyq, qylmystyq-is júrgizý jáne sot zańnamasyn jetildirý máselelerin talqylady, dep habarlady Senattyń baspasóz qyzmeti.   Parlament Májilisiniń depýtaty – «Nur Otan» partııa­sy fraksııasynyń múshesi Jeksenbaı Dúısebaev Aqmola oblysynyń Arshaly aýdanynda turǵyndarmen kezdesti. Halyq qalaýlysy eldegilerge Qazaqstan Prezıdenti N.Á.Nazar­baevtyń «Qazaqstan joly – 2050: bir maqsat, bir múdde, bir bo­lashaq» atty halyqqa Joldaýy boıynsha baıandama jasap, túsin­dirý jumystaryn júrgizdi. Depýtat aýdan ortalyǵynda azamattardy jeke máseleleri boıyn­sha qabyldady.   Parlament Májilisiniń depýtaty Meıram Pishembaev «Pavlodar munaı-hımııa zaýyty» JShS men Rominserv SRL kom­panııasy birlesip ótkizgen «Pavlodar munaı-hımııa zaýytyn­ jańǵyrtý»  jobasyn júzege asyrý kezindegi qazaqstandyq úles» taqyrybyndaǵy otyrysqa qatysty. Depýtat Prezıdent N.Á.Na­zar­baevtyń «Qazaqstan joly – 2050: bir maqsat, bir múdde, bir bo­lashaq» atty Qazaqstan halqyna Jol­daýynda kórsetilgen memleket pen qoǵam damýynyń negizgi basym baǵyttary jóninde sóz sóıledi. Sol kúni halyq qalaý­lysy «PMHZ» JShS jumys­kerlerimen kezdesip, olarǵa Elbasy Joldaýy­nyń negizgi qaǵıdattaryn túsin­dirdi jáne zaýyttaǵy dýaldy bi­lim berý júıesimen tanysty.   Parlament Májilisiniń depýtattary, «Nur Otan» fraksııasynyń músheleri Izbaq О́mirzaqov, Gleb Shegelskıı, Ashat Bekenov jáne Qazaqstan halqy Assambleıasynyń múshesi Iýrıı Tımoshenko Aqtóbe oblysy turǵyndarymen kezdesip, Qazaqstan Prezıdentiniń Joldaýyn túsindirdi. Memleket jumysynyń negiz­gi býyny – qazaqstandyq bız­neske, eń aldymen, shaǵyn jáne orta bızneske qolaıly jaǵ­daı jasaý bolyp tabylady. Aldaǵy 10-15 jylda ǵylymı-eko­no­mı­kalyq bazısti qurý qajet, onsyz damyǵan elder qataryna kirý qıyn. Infraqurylymdyq trıa­danyń (aglomerasııa, kólik, ener­getıka) serpindi damýyn qam­ta­masyz etý qajet, dedi kezdesýler kezinde depýtattar.   Parlament Májilisiniń depýtattary Romın Mádınov pen Abaı Tasbolatov Soltústik Qazaqstan oblysynyń ortalyǵy – Petropavl qalasyndaǵy   jańadan ashylǵan «Zenchenko jáne K» sút zaýytynyń basshylyǵymen jáne ınjener-tehnık qyzmetkerlerimen kezdesti. Onda májilismender N.Nazarbaevtyń Qazaqstan halqyna arnaǵan «Qazaqstan joly – 2050: bir maqsat, bir múdde, bir bolashaq» Joldaýyn jan-jaqty túsindirdi. О́z jumystarynan habardar etken zaýyt jumysshylary óz salalaryna qatysy bar otandyq kásipkerlerdi qoldaý boıynsha zańnamalardy jetildirýge atsalysýlaryn surady.   Parlament Májilisiniń depýtaty – «Nur Otan» partııa­sy frak­sııasynyń múshesi Qojahan Jabaǵıev Qazaqstan Res­pýb­lı­ka­sy­nyń Prezıdenti N.Á. Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn óńir­lerde nasıhattaý maqsatynda Ońtústik Qazaqstan oblysynda júr. Májilismen Saıram aýdanynda «Nur Otan» partııasynyń aýdandyq fılıalynda qoǵamdyq qabyldaý júrgizdi.   Parlament Májilisiniń depýtaty, «Aq jol» QDP-nyń Májilistegi fraksııasynyń múshesi Merýert Qazbekova Aqmola oblysynyń Zerendi aýylynda boldy. Onda ol Elbasynyń «Qa­zaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyn júzege asyrý maqsatynda «Áıelderdiń ekonomıkalyq ilgerileýi – básekege qabiletti álemge jol!» degen taqyrypta ót­ken dóńgelek ústelge qatysty. Atalǵan is-shara Zerendi aýda­nyndaǵy áıelderdiń  ekono­mı­kalyq belsendiligin qarjylyq quraldardy jáne jańa tehnologııalardy tıimdi paıdalana otyryp, kásipkerlikti damytý arqyly arttyrýǵa kómektesedi, dep habarlady Májilistiń baspasóz qyzmeti.