Dúnıe júzin dúrliktergen koronavırýstyq ınfeksııamen aýyrǵan azamattar, onyń ishinde júkti áıelder men balalar sanynyń ósýine baılanysty Qostanaı oblysy ákimdiginiń densaýlyq saqtaý basqarmasy turǵyndardyń qaýipsizdik sharalaryn saqtaýy kerektigin eskertti, dep habarlaıdy Egemen.kz.
Qostanaı oblysynda sońǵy táýlikte epıdemıologııalyq jaǵdaı kúrt nasharlaǵan. О́tken táýlikte COVID-19 syrqatymen 128 jaǵdaı tirkelgen, dertke shaldyqqandardyń ósý qarqyny táýligine 0,36%-dy qurap otyr. Juqtyrǵandardyń 111-inen aýrý belgileri baıqalsa, 17 adamnyń boıynan belgiler baıqalmaǵan.
«Qazirgi ýaqytta bizde 443 bala koronavırýstyq ınfeksııa juqtyrsa, onyń 8-i stasıonarda, qalǵandary ambýlatorııalarda emdelýde. Sondaı-aq KVI-men 53 júkti áıel tirkelgen, olardyń úsheýi qazir reanımasııada», deıdi Qostanaı oblysy ákimdiginiń densaýlyq saqtaý basqarmasy basshysynyń orynbasary Anjela Beksultanova.