Ulttyq qaýipsizdik komıtetiniń tóraǵasy Kárim Másimovtiń jalpy redaksııasymen «Otandyq arnaýly qyzmettiń hronıkalary. Adamdar, oqıǵalar, faktiler týraly hıkaıalar», «Memlekettik shekara» kitaptary basylymǵa daıyndaldy, dep habarlaıdy Egemen.kz Komıtettiń baspasóz qyzmetine silteme jasap.
Kitaptar ulttyq qaýipsizdikti qamtamasyz etý jáne memleketimizdiń shepterin qorǵaý isine laıyqty úles qosqan jedel qyzmetkerler men shekarashylardyń qyzmeti týraly baıandaıdy.
Basylymdarǵa qazirgi ýaqytta qupııasyzdandyrýǵa bolatyn jaıttar ǵana engizildi. Onyń negizinde – naqty adamdar, oqıǵalar men faktiler, olar oǵan tikeleı qatysýshylardyń emosııasyn jetkizetin qatań derekti stılde mazmundalǵan.