Sanıtarlyq normalardy saqtamaıtyn jáne kórshilerge qolaısyzdyq týdyratyn úı janýarlarynyń ıelerine aıyppul salynady, dep habarlaıdy Egemen.kz.
Kóp páterli úılerde mysyqtar men ıtterdi ustaý sharttary týraly máseleni depýtat Gúldar Nurymova kóterdi.
«Adamdar bir páterde mysyqtar men ıtterdiń kóp mólsherin ustaıtyn kórshilerine shaǵymdanady. Bul faktiler úlken problemalar týǵyzady. Bul jaǵymsyz ıis, shý, júnniń kóp mólsheri jáne jalpy úı aýmaǵynda sanıtarlyq normalardyń buzylýy. Bul máseleni sheshý qajet pe?», dep surady májilismen «Janýarlarǵa jaýapkershilikpen qaraý týraly» zań jobasyn talqylaý kezinde.
Ekologııa, geologııa jáne tabıǵı resýrstar mınıstri Serikqalı Brekeshev suraqqa jaýap bere otyryp, mundaı úı janýarlarynyń ıelerine aıyppul salynatynyn aıtty.
«Kórshi páterde 20-30 mysyq pen ıt ustalatyn jaǵdaılar bar. Bul úıdiń qalǵan turǵyndary úshin belgili bir qolaısyzdyqty týdyratyny túsinikti. Sondyqtan úı janýarlarynyń ıesi sanıtarlyq-gıgıenalyq talaptardy saqtaýǵa mindetti. Olardy buzǵan jaǵdaıda 10 AEK-ten 20 AEK-ke deıingi mólsherde aıyppul túrinde ákimshilik jaýapkershilik qarastyrylǵan (29 170 - 58 340 teńge). Biz bul normany ákimshilik quqyq buzýshylyq týraly Kodekste qarastyrdyq», dep túsindirdi Ekologııa mınıstrliginiń basshysy.
Onyń aıtýynsha, birinshi buzýshylyq kezinde aıyppul somasy 10 AEK, ekinshi ret - 20 AEK-ti quraıtyn bolady.