Soltústik Qazaqstan oblysynyń turǵyny kolonııada jazasyn ótep jatqan ulyna jasyryn jolmen aqsha berýge tyrysty, dep habarlaıdy Egemen.kz.
Qylmystyq-atqarý júıesi departamenti baspasóz qyzmetiniń málimetinshe, áıel adam ES-164/3 mekemesinde jatqan ulymen uzaq ýaqytqa kezdesýge kelgen. Jeke tekserý kezinde zattar men azyq-túlik arasyndaǵy shokolad ishinen tekserýshiler bir myń teńgeni taýyp alyp, tárkiledi.
«Zańnamaǵa sáıkes materıal jınap, sheshim qabyldaý úshin Petropavl qalasynyń mamandandyrylǵan ákimshilik sotyna joldadyq. Sot qaýlysymen azamatshaǵa eskertý jáne ulymen bir jyl ýaqytqa uzaq kezdesýden aıyrý túrinde ákimshilik jaza qoldanyldy» delingen baspasóz habarlamasynda.