Almatynyń «Qaıraty» fýtzaldan chempıondar lıgasynyń negizgi kezeńin jeńispen aıaqtady, dep habarlaıdy Egemen.kz.
Toptyq kezeńniń sońǵy kezdesýinde «Qaırat» Italııanyń «Pezaro» komandasymen kezdesti. Oıyn almatylyqtar úshin ońaı bolǵan joq. Matchtyń altynshy mınýtynda ıtalııalyqtar esep ashyp, «Qaırat» fýtbolshylaryn sastyrdy. Alaıda kezdesýdiń on segizinshi jáne jıyrma segizinshi mınýtynda Dáýren Tursaǵulov óz múmkindikterin múlt jibermeı dýbl avtory atanyp, komandasyn jeńiske jeteledi. Áıtkenmen otyz besinshi mınýtta «Pezaro» jigitteri tarazy basyn teńestirip ketti. Alaıda arada az ǵana sekýnd ótkende Dıego Favero mergendigimen kózge túsip, «Qaıratqa» jeńis syılady. Qorytyndy esep 2:3. «Qaırattyń» paıdasynda.
Bul jeńisten soń «Qaırat» komandasy chempıondar lıgasynyń elıtalyq kezeńine joldama aldy.