Shymkentte 4 jasar búldirshin baıqaýsyzda tórtinshi qabattan qulap ketti. Jedel túrde aýrýhanaǵa jetkizilgenimen ony qutqaryp qalý múmkin bolmady, dep habarlaıdy Egemen.kz.
Shymkent qalasy TJD málimetinshe, qaıǵyly jaǵdaı Gagarın kóshesiniń boıyndaǵy 5 qabatty turǵyn úıde oryn alǵan. Tórt jasar ul bala ata-anasynyń qaraýynsyz qalyp, 4-shi qabattaǵy baspaldaq aralyǵyndaǵy terezeden qulaǵany anyqtaldy.
Oqıǵa ornyna Shymkent qalasy TJ departamentiniń mamandary baryp, mán-jaıdy surastyryp bilgen. Qazir bul jaǵdaımen polısııa aınalysyp jatyr.
Aıta keteıik, úshinshi megapolıste jyl basynan beri balalardyń terezeden qulaýynyń 7 jaǵdaıy tirkelgen. Tórt jaǵdaıda balalar qaıtys bolsa, úsheýinde balalar túrli dene jaraqatyn alǵan.