Shyǵys Qazaqstan oblysynda avtobýs qaǵyp ketken kámeletke tolmaǵan qyz kóz jumdy, dep habarlaıdy Egemen.kz.
ShQO Polısııa departamenti baspasóz qyzmetiniń málimetine súıensek, jol-kólik oqıǵasy 2 qarasha kúni keshki ýaqytta Altaı qalasynda bolǵan.
Gorkıı men Bocharnıkov kósheleriniń qıylysynda kele jatqan «PAZ» markaly avtobýs júrgizýshisi rettelmegen jaıaý júrginshiler jolaǵynda 14 jastaǵy qyzdy qaǵyp ketken. Jetkinshek alǵan jaraqattarynan sol jerde mert bolǵan.
«Qazirgi ýaqytta atalǵan fakti boıynsha QR Qylmystyq Kodeksiniń 345-baby 3-bóligine (Kólik basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy saldarynan abaısyzda adam ólimine ákep soǵýy) sáıkes sotqa deıingi tergeý amaldary bastaldy. Tıisti sot-medısınalyq saraptamalar taǵaıyndalǵan. Avtobýs júrgizýshisi ýaqytsha ustaý ızolıatorynda qamaýda otyr», dep habarlady vedomstvo ókilderi.