«Elshiniń jazbasynan» kitaby jaryq kórdi

Akademık Ikram Adyr­bekov birneshe jyl Eýropa men Azııanyń kóptegen memle­ketinde Qazaqstan Respýb­lıkasynyń elshisi qyzmetin atqarǵan. Táýelsizdik alǵan­nan keıin Qazaqstanda dıplo­ma­tııalyq qarym-qatynas­tardyń paıda bolýynyń kýágeri men tikeleı qatysýshysy boldy.

Avtordyń aıtýynsha, «El­shiniń jazbasynan» atty ki­tabynda elshilik qyzmet ke­zeńderinde ózi kýá bolǵan, tike­leı qatysqan túrli shara men mańyzdy kezdesýdiń protokoldan tys qalǵan jaıttary men qyzyqty oqıǵalary baıandalady. Sonymen qatar elshi qyzmetin atqarǵan mem­leketterdegi túrli salada júrgizilgen ozyq reformalar men tájirıbeler týraly zertteýleri, ótken ómir joly sýrettelgen.

«Bizdiń basymyzdy bi­riktirgen táýelsizdik. Onyń jolynda qanshama azamaty­myz kúresti. El bolyp ete­gimizdi jıǵaly biraz dúnıe atqa­ryldy. Táýelsizdik alǵan jyldary biz Elbasy Nursultan Nazarbaevtyń qa­synan tabyldyq. Elbasynyń sol kezdegi el bolashaǵy úshin qabyldaǵan basty sheshimderiniń kýási boldyq. Mine, búgingi zalda sol zamanda el úshin eńbek etken jandar otyr. Sonyń biri baýyrymyz Ikram Adyrbekov te bar. Áriptesimiz qyzmeti týraly kúndelik jazyp shy­ǵypty. О́zimiz de kezinde elshi bolǵandyqtan kúndelik jazý dástúri tanys jáne kúndelik jazǵan durys. Kitapty qarap shyqtym, barǵan elderdiń bá­rimen qarym-qatynasy jaqsy, syıly azamat bolypty. Bul degenimiz – elimizdiń mereıi», dedi memleket jáne qo­ǵam qaı­ratkeri Myrzataı Jol­­dasbekov tusaýkeser rási­minde.

Kitap qalyń oqyrmanǵa, dıplomattar men jastarǵa usy­nylady.

Tusaýkeser Qazaqstan Tá­ýelsizdiginiń 30 jyldyǵy aıa­synda ótkizildi. Oǵan Qazaq­stannyń belgili memleket jáne qoǵam qaıratkerleri, Qazaqstan Respýblıkasy Senatorlar Keńesiniń músheleri, depýtattar, shet memleketterdiń dıplomatııalyq ókildikteriniń ókilderi, L.N.Gýmılev atyn­daǵy Eýrazııa ulttyq ýnıver­sıtetiniń professorlary men oqytýshylary, Nur-Sultan qa­la­syndaǵy joǵary oqý oryn­darynyń stýdentteri qatysty.