Búgin «Azamattyq qoǵamdy damytýdaǵy dıalog alańdarynyń róli: halyqaralyq tájirıbe» jobasyn iske asyrý sheńberinde qyzmetteri adam quqyqtaryn qorǵaýǵa baǵyttalǵan QR AQDM, QR Bas prokýratýrasy, QR ÁM, QR IIM, Adam quqyqtary jónindegi ulttyq ortalyq jáne ÚEU ókilderiniń kezdesýi ótti, dep habarlaıdy Egemen.kz.
«Biz osy saladaǵy jaǵdaıdy jaqsartý úshin úkimettik emes sektordyń quqyq qorǵaýshylar qyzmetiniń qaýipsizdigin qamtamasyz etý jónindegi usynystaryn tyńdaýǵa jınalyp otyrmyz. Búginde Qazaqstanda 22 myńnan astam ÚEU tirkelgen, onyń ishinde 632-i ózderiniń jarǵysyna sáıkes quqyq qorǵaý qyzmetin júzege asyrady.
Quqyq qorǵaýshylar – elimizde beıbit jáne ádil qoǵam úshin jumys isteıtin adamdar. Olardyń qyzmeti quqyqtyq qorǵaýdy qajet etedi», dedi Azamattyq qoǵam isteri komıtetiniń tóraǵasy Madııar Qojahmet.
Sondaı-aq kelip túsken barlyq usynymdar men usynystar Prezıdent Ákimshiligine engiziletinin atap ótti.
ÚEU zańnamaǵa, sonyń ishinde halyqaralyq qujattarǵa ózgerister engizý boıynsha usynystar engizdi. Atap aıtqanda, ÚEU quqyq qorǵaýshylardyń mártebesin zańnamalyq anyqtaý máselesin kóterdi.
«Azamattyq qoǵamdy damytýdaǵy dıalog alańdarynyń róli: halyqaralyq tájirıbe» jobasy QR Aqparat jáne qoǵamdyq damý mınıstrliginiń tapsyrysy boıynsha Qazaqstannyń Azamattyq Alıansy Azamattyq bastamalardy qoldaý ortalyǵynyń qoldaýymen iske asyrylýda.