Mınıstr Serikqalı Brekeshev Nur-Sultandaǵy EQYU Baǵdarlamalar ofısi basshysy Doktor Folker Frobartpen kezdesti, dep habarlaıdy Egemen.kz.
«Búgin EQYU Baǵdarlamalar ofısiniń basshysy doktor Folker Frobartpen kezdestim», dep jazdy mınıstr S.Brekeshev Tvıtterde.
Kezdesý barysynda taraptar sý resýrstaryn basqarý, ekotýrızmdi damytý jáne brakonerlikpen kúres salasyndaǵy yntymaqtastyq máselelerin talqylady.
Mınıstr EQYU Baǵdarlamalar ofısine Biryńǵaı ekologııalyq portaldy ázirleýge kórsetken qoldaýy úshin alǵys aıtyp, Portal halyqtyń qorshaǵan orta týraly habardar bolý prosesin jeńildetetinin atap ótti.
Sondaı-aq taraptar Sý kodeksin, ulttyq saıabaqtarda ekotýrızmdi damytý tujyrymdamasy men standarttaryn birlesip ázirleý bóliginde aldaǵy jylǵa yntymaqtastyq josparlarymen almasty.
«Biz joǵaryda atalǵan barlyq máseleler boıynsha yntymaqtastyqqa daıynbyz jáne ashyqpyz. Bıylǵy jyldyń sońyna deıin biz ekotýrızm men sý sharýashylyǵyn damytý boıynsha usynystar daıyndaımyz», dedi Serikqalı Brekeshev.
Mınıstr, sondaı-aq EQYU Baǵdarlamalar ofısin ózen ekojúıesin qalpyna keltirý boıynsha yntymaqtastyq baǵdarlamasy aıasynda Jaıyq ózeniniń (Jaıyq) ekologııalyq máselelerin zertteýge, reseılik seriktestermen baılanysta belsendi qatysýǵa shaqyrdy.
О́z kezeginde EQYU Baǵdarlamalar ofısiniń basshysy Doktor Folker Frobart joǵaryda atalǵan baǵyttardy jáne turaqty nyǵaıý dınamıkasyn damytý jáne ózara is-qımyldyń jańa múmkindikterin izdeý boıynsha yntymaqtastyqtaǵy birlesken kúsh-jigerdiń mańyzdylyǵyn atap ótti.