Jezqazǵan qalasynyń «Naýryz» saıabaǵynda uly aqyn, aǵartýshy Abaı Qunanbaıulynyń eskertkishi ornatyldy. Ashylý saltanatyna memlekettik organdardyń, mádenıet jáne bilim berý uıymdarynyń ókilderi qatysty, dep habarlaıdy Egemen.kz Qaraǵandy oblysy ákimdiginiń resmı saıtyna silteme jasap.
Saltanatty jıynda Jezqazǵan qalasynyń ákimi Qaırat Ábsattarov qala turǵyndary men qonaqtardy quttyqtady.
«Eskertkish 30 jyldyq tarıhy bar táýelsiz elge, onyń uly aqyny jáne oıshyly Abaıdyń talanty men danalyǵyna arnalǵan», dedi qala basshysy.
Monýmentti sýretshi Saıd Aınekov pen músinshi Toqtar Ermekov jasap shyqty.
Is-shara barysynda Abaıdyń ómiri men shyǵarmashylyǵyna arnalǵan teatrlandyrylǵan kórinister qoıylyp, óleńder oqyldy.
Sońynda qala turǵyndary men qonaqtary bıylǵy jyly jańartylǵan «Naýryz» saıabaǵyn aralap kórdi.