«Jasyl» aımaqqa da jaılanýǵa bolmaıdy

Qoǵam bolyp aty óshkir in­det­pen kúresip jatqanymyzǵa eki jyldaı bolypty. Etimiz úıre­­nip ketti me, áý bastaǵydaı dúr­­be­leń joq. Oblys turǵyn­dary sanı­tarlyq dáriger beki­tip bergen erejeni bekem saq­tan­a­dy. Burynǵydaı emes, toı-tomalaq saıabyrsyǵan.

Oblys ortalyǵynda, aýdan­­darda indetpen kúresý maq­satyndaǵy provızorlyq orta­lyqtar ókpeni jeldetkish apparattarmen, tósek-orynmen tolyq­taı qamtylǵan. Qat-qabat kıingen dárigerler kún-tún des­peı arpalysyp júr. Eńbek­teriniń nátıjesi de joq emes, ólim-jitim azaıdy.

– О́tken táýlik ishinde kovıd­ti pnevmonııamen aýyr­ǵan­dardy qosa eseptegende 68 pasıent stasıonarlardan emdelip, jazylyp shyqty. Al ótken táýlik boıynsha taǵy 9 sımptomsyz aýrý belgileri bar azamattyń úı karantıni aıaqtaldy, – deıdi oblystyń bas dárigeri Ermek Omarbekov.

Jalpy, óńir boıynsha búginge deıin ınfeksııalyq stasıonarlardan em alyp shyqqandar sany onyń ishinde kovıdtik pnevmonııa­men aýyrǵandardy qosa eseptegende 24 229 adamǵa jetti. 10 234 naýqas úı karantınin aıaqtap, 34 463 adam tolyqtaı saýy­ǵyp shyqty. Munyń bári tyń­ǵylyqty daıyndyqtyń, bilik­ti mamandardyń arqasy.

Dárigerler aıtqandaı, indetti birjola jeńýdiń joly – ujym­dyq ımmýnıtet, ıaǵnı vaksına­laý. Oblysta bul baǵytta da tynymsyz jumystar júrgizilip jatyr. Máselen, ekpe almaǵandar Ashyq júıesi arqyly anyqtalyp, birqatar nysanǵa kirip-shy­ǵa almaıdy. 2021 jylǵy 9 qa­ra­shadaǵy málimet boıynsha Shy­ǵys Qazaqstan oblysynda vaksı­nanyń I komponentin 890 358 adam, II komponentti 827 664 adam saldyrǵan eken. Vaksınanyń qalǵan komponentterine keler bolsaq, I komponentten 15 117 doza, II komponentten 32 738 doza qaldy. О́ńirde qazirgi ýa­qytta vaksınanyń 3 túri bar: Spýt­nık-V, QazVac jáne Sinopharm. Aıta keterligi, oblysta jasóspirimder men júkti áıelderge de vaksına egý ju­mystary qolǵa alynbaq. Ázir­she jer-jerlerde túsindirý ju­­mys­tary bastalyp ketti. Me­dı­­sına qyzmetkerleriniń aıtýyn­sha, vaksına egilmes bu­ryn balanyń nemese júkti áıel­­diń densaýlyǵy tolyqtaı tek­seriledi. Sondyqtan qaýip­tenýge esh negiz joq.

Shyǵys Qazaqstan oblysy