Sońǵy kezderi ústel tennısinen ótken birqatar halyqaralyq týrnırdegi táýir nátıjesi arqyly Kırıll Gerasımenko álemdik reıtıngte birden bes satyǵa joǵarylady.
Qazirgi kezde ol 41-oryndy ıelenýde. Osy oraıda, Gerasımenkoǵa deıin Qazaqstannyń birde-bir ústel tennısshisi dál osyndaı bıikke kóterilmegenin aıta ketken abzal. Elimizdiń ekinshi raketkasy Aıdos Kenjeǵulov ITTF 376-orynda tursa, Jamal Bekulan 387-satyǵa jaıǵasty. Erlerdiń álemdik reıtınginde Qytaıdyń úsh birdeı saıypqyrany kósh basynda keledi. Olar – Fan Chjendon, Ma Lýn jáne Sıýı Sın. Japonııalyq Tomakadzý Harımoto men brazılııalyq Hıýgo Kalderano tórtinshi jáne besinshi oryndardy ıelenýde.
Áıelder reıtıngindegi «TOP-10» oıynshynyń jeteýi Qytaı ókilderi. Alǵashqy eki oryndy Chen Men men Sýn Insha ózara bólisýde. Úshinshi orynda – japonııalyq Mıma Ito. Al jerlesterimizdiń arasyndaǵy eń úzdik kórsetkish Anastasııa Lavrova men Záýresh Aqashevaǵa tıesili. Olar 167 jáne 170-satylarǵa turaqtady.