Búgin orta salmaqtaǵy álem chempıondary Gennadıı Golovkın men japonııalyq Rıota Mýrata arasynda ótetin jekpe-jek resmı túrde jarııalandy, dep habarlaıdy Egemen.kz.
Tokıoda ótetin boks keshi týraly aqparat taraǵan sátte-aq japon jigiti únsiz qalǵan joq.
«Gennadıı Golovkın – men bárinen joǵary qoıatyn jáne qatty qurmetteıtin boksshy. Álemge ózimniń myqty ekenimdi dáleldeý úshin ony jeńýim kerek. Osy jekpe-jekke kelisim bergeni úshin oǵan zor qurmetimdi bildiremin», dedi Rıota.
29 jeltoqsan kúni Tokıoda ótetin bul jekpe-jekti álemniń 200-den astam memleketi tikeleı efırden kórsetpek. Alaıda ázirge qazaqstandyq qaı telearna boks keshin jankúıerler nazaryna usynatyny belgisiz.
29 jeltoqsan kúni japon boksshysy WBA Super, Gennadıı Golovkın IBF jáne IBO belbeýlerin báske tigedi. Otandasymyz 2020 jyldyń jeltoqsanynan keıin birinshi ret rıngke kóterilse, Mýrata 2019 jyldan keıin alǵash ret sharshy alańǵa shyqpaq.