Shyǵys Qazaqstan oblysynda muzǵa qulaǵan balyqshy kóz jumdy, dep habarlaıdy Egemen.kz.
ShQO tótenshe jaǵdaılar departamenti baspasóz qyzmetiniń málimetine súıensek, 14 qarasha kúni saǵat 16:22-de Kúrshim aýdanyndaǵy Buqtyrma sý qoımasynda eki er adam muz astyna túsip ketken.
«47 jastaǵy er adam sýdan shyǵyp úlgergenimen 50 jastaǵy azamat batyp ketti. Oqıǵa ornyna kelip jetken qutqarýshylar balyqshynyń denesin taýyp, alyp shyqty. Belgili bolǵandaı, er adamdar muzǵa shyqqan kezde qutqarý keýdeshelerin kımegen», dep habarlady vedomstvo ókilderi.
Aıta keteıik, Shyǵys Qazaqstanda jyl basynan beri balyq aýlaý kezindegi qaýipsizdik sharalaryn elemegen 4 adam sýǵa batyp ketti.