Qazan aıy búkil Qazaqstan boıynsha sýyq boldy. «Qazgıdromet» sınoptıkteri málimetinshe, birqatar óńirdegi aýa temperatýrasy eń joǵarǵy kórsetkish rekordyn jańartqan, dep habarlaıdy Egemen.kz.
Qazannyń birinshi onkúndiginde respýblıkanyń barlyq aýmaǵynda sýyq boldy, sondyqtan túnde rekord aýa temperatýrasy tirkelgen. Mysaly, 2 qazanda Aıaqqum meteostansııasynda (Aqtóbe oblysy) aýa temperatýrasynyń eń tómengi máni túnde - 2,7 gradýs boldy, osylaısha aýa temperatýrasy -1 gradýsqa jetken 1976 jylǵy rekordty jańartty. 9 qazanda Aqtaý meteorologııalyq stansııasynda (Mańǵystaý oblysy) aýa temperatýrasynyń eń tómengi máni +1,8 gradýs boldy, osylaısha munda aýa temperatýrasy +2,2 gradýsqa jetken 1987 jylǵy rekord jańardy.
«Qazanda keı kúnderi Qazaqstannyń qıyr soltústiginde, soltústik-shyǵysynda jáne shyǵysynda ekinshi jáne úshinshi onkúndikter aıaǵynda tirkelgen aýa temperatýrasynyń maksımal mánder rekordy da jańardy. Mysaly, Kishkenekól meteorologııalyq stansııasynda (Soltústik Qazaqstan oblysy) qazannyń ekinshi jartysynda aýa temperatýrasy +18,1 gradýs boldy, nátıjesinde osy kúnniń burynǵy rekordy jańardy, ol +16,8 gradýs boldy jáne 2009 jyly tirkelgen. 20 qazanda kúndiz О́skemen meteorologııalyq stansııasynda (Shyǵys Qazaqstan oblysy) aýanyń eń joǵary temperatýrasy +22,1 gradýs boldy, nátıjesinde osy kúnniń burynǵy rekordy jańardy, ol 1989 jyly +20,9 gradýs boldy, sondaı-aq 24 qazanda Ekibastuz meteorologııalyq stansııasynda (Pavlodar oblysy) kúndiz aýanyń eń joǵary temperatýrasy +16,2 gradýs boldy, sonyń nátıjesinde 1991 jyly +14,7 gradýs bolǵan osy kúnniń burynǵy rekordy jańardy», dedi «Qazgıdromet» ókilderi.
Nur-Sultanda aýa raıy eń jyly kún 20 qazanda boldy, sol kúni termometrler +16,5 gradýsqa deıin kóterildi, al eń sýyq kún - 7 qazan, túnde aýa temperatýrasy -7,4 gradýsqa deıin tómendedi. Jaýyn-shashyn mólsheri 23 mıllımetr boldy (aı saıynǵy norma boıynsha 27 mıllımetr).