Taǵy da qaıǵyly oqıǵa. Almaty-О́skemen tas jolynda kólik apaty bolyp, saldarynan eki adam kóz jumdy, dep habarlaıdy Egemen.kz inform.kz-ke silteme jasap.
Jol kólik oqıǵasy týraly Almaty oblystyq Polısııa departamenti habarlady. Departament taratqan málimetke sensek, apat tańǵy saǵat 08:00 shamasynda bolǵan.
«Almaty-О́skemen tas jolynyń 223-shaqyrymynda, Kóksý aýdanynyń aýmaǵynda bolǵan jol apatynyń zardaby aýyr. Boljamǵa saı, «Hyundai Accent» kóliginiń 30 jastaǵy júrgizýshisi soltústik baǵytpen kele jatqan. Ol rýlge ıe bola almaı, shyǵys baǵyttaǵy jol jıegine shyqqan. Osylaısha aryqqa aýdarylǵan. Saldarynan 30 jastaǵy kólik júrgizýshisi men 28 jastaǵy jolaýshy oqıǵa ornynda kóz jumdy», delingen habarlamada.
Atalǵan fakti boıynsha QR QK 345-baby 4-bóligine sáıkes tergeý amaldary júrgizilip jatyr.