Áýlıeatalyqtar ábigerge túsken kún

Osy oraıda, bolýy múm­­kin tó­ten­she jaǵdaıǵa baı­­la­nysty daıyn­dyq­ty kú­sheı­tý maqsatynda oblys­tyq Tó­ten­she jaǵdaılar depar­ta­men­ti bas­ty­ǵynyń oryn­ba­­sa­ry Maqsat Qo­sy­ba­ev Ta­raz qa­lasynyń jáne bar­lyq aýdan­nyń ákimderine, so­­­nymen qa­­tar tıisti mekeme basshylaryna qyz­met­­tik hat joldaǵan. Alaıda qalyń qar jaýmasa da, qatty daýyl tu­ryp, ta­bı­­ǵattyń tosyn mi­ne­zi bir-aq kúnde Áýlıeata hal­­qyn ábi­ger­ge túsirdi.

Seısenbiden sársenbige qa­ra­ǵan túni, ıaǵnı 17 qarashada Jambyl obly­syn­da sekýndyna 38 metrge deıin da­ýyl turyp, tótenshe jaǵdaı oryn aldy. Taraz qalasyn da shań­dy da­ýyl basyp, shahar tur­ǵyn­dary jaryq jáne jylýsyz qaldy. Túske deıin da­ýyl­dyń saldarynan «Solnechnyı» ken­ti, Araı, Býryl, Qarasaı, Ba­ryshan alaptary men Saba­la­qov, Beıbitshilik, Cher­ny­­shev, Asqarov kóshesiniń aıaǵy, so­nymen qatar Shal­ǵaı Qarasý, Shóldala jáne 28 saıajaı alaptary, Qol­bas­shy Qoıgeldi, Qazybek bı, D.Qonaev, Baızaq batyr, Á.Kom­ra­tov kóshelerindegi tur­ǵyn úıler men 1, 2, 4 jáne 11-shaǵyn aýdandar, Hım­po­se­lok shaǵyn aýdany, qan orta­lyǵy, qala­lyq aýrý­­ha­na mańy, №5 emhana, E.Nıet­qa­lıev kó­she­siniń aıaq jaǵyndaǵy úı­ler elektr ener­­gııasynan ajyratyldy. Ta­raz qalalyq elektr je­li­le­ri kásipornynyń 22 brı­gadasy apat saldaryn joıý ju­mysyna jumyldyryldy. Odan bólek, qatty jelden eldi meken­der­degi úılerdiń de qorshaýy qulap, aǵashtar syn­dy. Daýyl saldarynan qu­laǵan aǵashtar kóshedegi gaz qu­byr­­laryna zaqym keltirdi. Apatty jaǵ­d­aı odan ári ýshy­ǵyp ketpes úshin gaz taratý sala­synyń qyzmetkerleri za­qym­­danǵan qubyrlarǵa gaz be­rýdi ýaqytsha toqtatty. Son­daı-aq qatty jeldiń sal­da­rynan gaz qubyrlaryna aǵash, úı qorshaýlary men sha­tyr­­lary qulaǵan. 17 qarasha kúngi saǵat 12:00-ge deıin Taraz qalasynda gaz qubyryn qulat­qan 25­ oqıǵa, Jambyl aýdanynda 16 oqıǵa, Jýaly men Baızaq aýdandarynda gaz qubyryna aǵash qulaý salda­ry­nan gazdan ajyratýdyń oqı­ǵasy tirkelgen. Alaıda jel­­den búlingen jer­­lerdi qal­­pyna keltirý jumystaryn ta­­­­bı­ǵattyń qolaısyzdyǵyna baı­lanys­ty der kezinde júr­gi­zý­ múm­kin bol­ma­ǵan.

Jalpy, tabıǵattyń tosyn minezinen kel­gen shyǵyn az bolmapty. Daýyl sal­da­rynan oblys ortalyǵyndaǵy bir­qatar nysan zardap shekken. Atap aıtsaq, qala boıynsha 18 kópqabatty turǵyn úıdiń jáne 16 mektep pen 4 bóbekjaı-baqshanyń shatyrlary zaqym­da­lyp, 4 balabaqshanyń qor­­shaýyna nuqsan keldi. Taraz kóshe­le­rinde 18 elektr baǵa­na­sy qulap, 1,5 shaqyrym elektr jelileri úzilgen. Jylý berýshi kásiporyndardaǵy 5 kishi qazandyqta elektr jeli­leri za­qym­­dalyp, jylý berý ýaqytsha toq­­tatyldy. «Qala kóshelerinde 45-ten asa úlken­di-kishili taldar men 12 aıal­­dama qulap, 32 baǵdarsham is­ten shyq­ty. Qala boıynsha 34 bılbord, 9 pı­lon­nyń bannerleri men 64 jalaýsha jyrtyldy. Pılondardyń 2 dana konstrýksııasy men 4 bılbordtyń konstrýksııa­lary kulady. So­ny­men qa­tar Tastaq, Kirpish zaýyty, Qyzyl-Abad, Kóltoǵan alap­­tary, Jeltoqsan-Qonaev kó­she­leriniń qıylysy men Áıteke bı kóshesi №11 úıdiń ma­­ńyndaǵy 6 sport alań­qa­ıy­nyń qorshaýlary men tó­sen­di­leri zaqymdalǵan. Bar­lyq mek­tep­tegi oqýshylar kún­diz­gi 10:00-de úılerine qaı­­­ta­rylyp, oqý on­laın jú­ıe­­ge aýystyryldy. Qazirgi tań­da qu­laǵan aǵashtardy ke­sý jáne aýma­­ǵyn tazalaý ju­­­­­mys­taryna «Jasyl El-Taraz» jaýap­ker­shi­ligi shek­­teý­li seriktes­tigi arqyly 6 brı­gada tar­­­ty­lyp, jumystar júr­gi­zilýde. Elektr jú­ıelerin qalpy­na kel­tirý jumys­ta­ryna «JES» jaýap­kershiligi shek­­teý­li seriktestigi men Taraz qalalyq elektr júıesi ta­ra­pynan 21 brıgada ju­myl­dy­ry­lyp, qaıta qosý ju­mys­­ta­ry júrgizilýde», deıdi Taraz qala­sy ákiminiń orynbasary Ashat Esenálıev.

Qatty jeldiń saldarynan adamdar da zardap shegýde. Máli­met boıyn­sha oblysta barlyǵy 49 adam me­dı­sı­na­lyq kómekke júgingen. «Taraz qa­la­­lyq kópbeıindi aýrýhanasynan 41 adam dárigerlik kómek alyp, 4 tur­ǵyn stasıonarǵa jat­qyzyldy. Al ob­lys­tyq kóp­be­ıindi balalar aýrýhanasyna 4 bala túsip, onyń úsheýi stasıonarǵa jat­qyzyldy. Bir bala ambýlatorly túrde em qabyl­­daýda. Baızaq aýdandyq or­ta­­lyq aýrýhanasyna 4 adam túsken. Munda 1 adam sta­­sıo­narǵa jatqyzylsa, 3 adam ­am­bý­latorly em qa­byl­daýda. Me­dısınalyq kó­mek­­­ke júgin­gen­derdiń basym kópshiligi tereze, qaqpa jáne taǵy da basqa zattardyń qulaýynan jaraqat alǵan», deıdi oblystyq Den­saý­­lyq saq­­taý­ bas­qarmasy bas­­pa­sóz qyz­­metiniń ­je­tekshisi Tolqyn­ О́mirbaeva.

­Qazirgi kezde óńirdegi bar­­­­lyq­ ­kom­­mý­naldyq kásip­oryn men mekeme kú­sheı­­til­gen rejimde jumys is­­teý­de. Za­qymdanǵan nysandar men ınfra­­qurylymdardy qal­pyna kel­tirý ju­mys­tary jal­ǵasýda.

 Jambyl oblysy