Birinshi orta salmaq dárejesinde synǵa túsip júrgen qazaqstandyq bylǵary qolǵap sheberi Sadrıddın Ahmedov AQSh-ta debıýtti jekpe-jegin ótkizýi múmkin, dep habarlaıdy Egemen.kz.
Derekterge sensek, qazaq oǵlany 11 jeltoqsan kúni Harrısbýrgte ótetin boks keshinde rıngke kóterilýi yqtımal. Árıne, ázirge másele tolyq sheshilgen joq. Alaıda uıymdastyrýshylar Sadrıddınniń kandıdatýrasyn nazardan tys qaldyrmaǵan.
Buǵan deıin boksshynyń ózi jeltoqsan aıynda sharshy alańǵa oralatyny týraly habarlaǵan bolatyn. Dál qazir qazaq oǵlany jekpe-jekke daıyndyǵyn pysyqtap jatyr. Soǵan qaraǵanda Sadrıddın 11 jeltoqsan kúni rıngke shyǵady degen aqparat shyndyqqa janasatyn sekildi.