QR Premer-mınıstri Asqar Mamın Úkimettiń Sıfrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń jáne janar-jaǵarmaı materıaldarynyń baǵalaryn retteý máseleleri jóninde keńes ótkizdi, dep habarlaıdy Egemen.kz.
Qazaqstanda úsh apta áleýmettik mańyzy bar azyq-túlik baǵasynyń ósimi nóldik deńgeıde boldy Qazirgi jaǵdaı men atqarylyp jatqan jumystar týraly saýda jáne ıntegrasııa mınıstri Baqyt Sultanov, aýyl sharýashylyǵy mınıstri Erbol Qarashókeev, energetıka mınıstri Maǵzum Myrzaǵalıev, Básekelestikti qorǵaý jáne damytý agenttiginiń tóraǵasy Serik Jumanǵarın, Shyǵys Qazaqstan oblysynyń ákimi Danıal Ahmetov, Jambyl oblysynyń ákimi Berdibek Saparbaev, Aqtóbe oblysynyń ákimi Ońdasyn Orazalın, Pavlodar oblysynyń ákimi Ábilqaıyr Sqaqov jáne t. b. baıandady.
О́tken aptada Qazaqstanda áleýmettik mańyzy bar azyq-túlik taýarlary baǵasynyń jalpy ósý ındeksi 0,0% boldy. Qabyldanǵan sharalar esebinen úshinshi apta qatarynan sábiz (-0,8%), pııaz (-0,7%), makaron ónimi (rojkı), kúrish jáne kartop (-0,2%) baǵasynyń tómendeýi baıqalady. Qalǵan ónimderdiń baǵalary turaqty. О́ńirlerde «aınalym shemasyn» qarjylandyrý 48,9 mlrd teńgege jetti. Nysanaly deńgeı 97,7%-ǵa qamtamasyz etildi.
«Aınalym shemasy» boıynsha tıimdi jumys Nur-Sultan, Almaty jáne Shymkent qalalarynda, Almaty, Shyǵys Qazaqstan, Batys Qazaqstan, Qostanaı, Soltústik Qazaqstan jáne Túrkistan oblystarynda baıqalady. Júrgizilip jatqan jumystardyń tómen deńgeıi Qyzylorda jáne Mańǵystaý oblystarynda saqtalyp tur. Qabyldanǵan sharalardyń arqasynda janarmaı naryǵyndaǵy jaǵdaı turaqtandy.
Búginde barlyq MО́Z táýlik saıynǵy óndiriste jáne ashyq tústi munaı ónimderin ishki naryqqa jónelte otyryp shtattyq rejımde jumys istep jatyr. Bıylǵy 19 qarashadaǵy jaǵdaı boıynsha munaı ónimderiniń jetkilikti jıyntyq qory – 200,6 myń tonna benzın jáne 215,8 myń tonna dızel otyny qalyptastyryldy, bul eldiń 15 táýlikke jetedi. О́tken aptada Básekelestikti qorǵaý jáne damytý agenttigi monopolııalyq joǵary baǵalardy qoıý belgileri boıynsha Qaraǵandy oblysyndaǵy qus fabrıkasyna qatysty tergeý jumysyn bastady.
Qaraǵandy, Shyǵys Qazaqstan, Mańǵystaý oblystary men Nur-Sultan qalasyndaǵy taýyq jumyrtqasy men qus eti naryǵy sýbektilerine baǵa boıynsha sóz baılasý jáne ústem jaǵdaıdy teris paıdalaný belgisiniń bar ekendigi týraly 7 eskertý jiberildi. Batys Qazaqstan, Qostanaı, Atyraý jáne Jambyl oblystarynda óndirýshilermen, kóterme jetkizýshilermen jáne saýda jelilerimen monopolııaǵa qarsy komplaenstiń 14 aktisi jasaldy.
Jalpy, respýblıka boıynsha monopolııaǵa qarsy komplaenstiń 154 aktisi jasaldy. Premer-mınıstr ortalyq memlekettik jáne jergilikti atqarýshy organdarǵa áleýmettik mańyzy bar azyq-túlik ónimderiniń baǵasyn turaqtandyrý jáne tómendetý, sondaı-aq ınflıasııanyń jalpy deńgeıin 8,5% sheginde ustap turý jumysyn jalǵastyrýdy tapsyrdy.
О́ńirlerdiń ákimdikterine óndiris pen tutyný teńgerimin eskere otyryp, turaqtandyrý qorlarynda jetkilikti qorlardy qamtamasyz etý, «aınalym shemasy» boıynsha qarjylandyrýdy usynylǵan kólemderge deıin jetkizý, baǵa belgileýdiń barlyq tizbegi boıynsha deldaldyq shemalardy tekseretin óńirlik komıssııalardyń jumysyn jandandyrý tapsyryldy.