Ekibastuz GRES-1-degi eki bloktyń apatty jaǵdaıda óshirilýine baılanysty ónerkásip tutynýshylaryna elektr qýatyn berýdi shekteledi, dep habarlaıdy Egemen.kz.
Elektr jelilerin basqarý kompanııasynyń málimetinshe, 19 qarashada Ekibastuz GRES-1 stansasynda qýaty 500 MVt №5 blok apatty jaǵdaıda óshken, al 20 qarashada osy stansada qýaty 500 MVt №8 bloktyń jumysy da apatty jóndeý júrgizý úshin toqtatylǵan.
Kompanııa eki bloktyń isten shyǵýyna baılanysty 20 qarashada Qazaqstannyń Biryńǵaı elektr energetıka júıesinde elektr qýatyn óndirý kólemi 1000 MVt-ǵa deıin azaıyp ketkenin, bul Biryńǵaı elektr energetıka júıesindegi qýat defısıtin 1500 MVt-dan astam deńgeıge ulǵaıtqanyn habarlady.
«Qazirgi jaǵdaı Reseı energııa júıeleriniń shekarasynde qýattyń shekti deńgeıinen tómendeýine, memleketaralyq elektr berý jelilerine túsetin júktemeniń artyp qaıtalana beretin apat qateriniń paıda bolýyna soqtyrýy múmkin.
Qazaqstannyń Biryńǵaı elektr energetıka júıesinde generasııa tómendeýi saldaryn barynsha azaıtý jáne udaıy qaıtalanatyn apattardy boldyrmaý úshin «KEGOC» AQ QR Energetıka mınıstrliginiń kelisimimen, óńirlik elektrjelisi kompanııalarymen birlese otyryp ónerkásip tutynýshylaryna elektr qýatyn berýdi shekteıdi. Shekteýge jatqyzylǵan tutynýshylar tizimi jergilikti atqarýshy organdarmen kelisilgen», delingen habarlamada.