Boks sarapshysy Lens Pagmaır qazaqstandyq kásipqoı boksshy Jánibek Álimhanuly WBO tujyrymy boıynsha orta salmaqtaǵy álem chempıony Demetrıýs Andrademen qolǵap túıistirýge jaqyn qalǵanyn aıtty, dep habarlaıdy Egemen.kz Sports.kz-ke silteme jasap.
Onyń aıtýynsha qazaqstandyq bylǵary qolǵap sheberiniń menedjeri Egıs Klımas tarapynan uıym basshylyǵyna Jánibekti Demetrıýstiń mindetti qarsylasy retinde belgileý týraly arnaıy usynys hat jiberilip qoıǵan.
«Egıs Klımas WBO-ǵa Jánibek Álimhanulyn Andradeniń mindetti qarsylasy retinde belgileý týraly hat joldady. Endi uıym músheleri seısenbi kúni jınalyp, ótinishti qarastyryp kóredi.
Munda meksıkalyq Haıme Mýngııa birinshi orynda turǵany málim. Áıtkenmen, derekterge sensek, ol Jánibektiń Andrademen shaıqasqa shyǵýyna qarsylyq tanytpaıdy. Sondyqtan da reıtıngte ekinshi orynda turǵan Jánibek Álimhanulynyń suranysy qanaǵattandyrylýy tıis», dedi Pagmaır.