«Aýyldyq eldi meken turǵyndarynyń quqyqtyq saýattylyǵyn arttyrý» jobasyn iske asyrý sheńberinde «TRINTA» JQ Android platformasyna arnalǵan Kenes mobıldi qosymshasyn ázirledi, dep jazady Egemen.kz.
Qosymshada adamnyń áleýmettik, ekonomıkalyq, mádenı, saıası, azamattyq quqyqtary jáne qoǵamdyq múddeleri týraly aqparat jınaqtalǵan. Sondaı-aq, onyń kómegimen qoǵamdyq múddeni iske asyrý, keńes alý jáne shaǵymdaný múmkindikteri týraly, máselen call-ortalyqtar, telefondar, siltemeler jáne ózge de aqparattardy bilýge bolady.
Qosymshada zańgerlerdiń tegin kómegin alý múmkindikteri egjeı-tegjeıli sıpattalǵan.
Qosymsha Azamattyq bastamalardy qoldaý ortalyǵy men QR Aqparat jáne qoǵamdyq damý mınıstrliginiń qoldaýymen ázirlendi.
Jańa qosymshany https://play.google.com/store/apps/details?id=kz.zubr.kenes siltemesi arqyly júkteýge bolady.