QR Tótenshe jaǵdaılar mınıstri Iýrıı Ilın Qaraǵandy oblysynyń Abaı shahtasyndaǵy tótenshe oqıǵa boıynsha qurylǵan Úkimettik komıssııa jumysynyń qorytyndysyn tanystyrdy, dep habarlaıdy Egemen.kz.
Qaraǵandy oblysynan onlaın brıfıngke shyqqan mınıstr Iýrıı Ilın Abaı shahtasyndaǵy tótenshe oqıǵa boıynsha qurylǵan Úkimettik komıssııa jumysyna Reseı men Germanııadan sarapshylar tartylǵanyn aıtty.
«Apat kezinde qaıtys bolǵan jumysshylardyń kinálilik dárejesin komıssııa 0 paıyz dep bekitti. Iаǵnı, shahtada qaıtys bolǵan jáne zardap shekken jumysshylardyń kinási dáleldengen joq. Jumys berýshiniń kinásine kelsek, «Arselor Mıttals» tarapynyń 100 paıyz dep tanyldy», degen vedomstvo basshysy kásiporynnyń qaýipsizdik sharalaryna talaıdan beri kóz jumyp kelgenin qadap aıtty.
«Apattyń aldyn alýy múmkin sharalar osy kezeńde ǵana emes, osydan buryn da atqarylýy kerek bolǵan. Biraq oryndalmaǵan. Belgili bir merzim aralyǵynda osyndaı shara qabyldanbaýy da osy jaǵdaıǵa túrtki bolýy múmkin», dedi mınıstr onlaın brıfıngte.
Eske salsaq, 7 qarasha kúni Qarǵandy oblysynyń Abaı shahtasyndaǵy tótenshe jaǵdaıdan birneshe kenshi qaza tapqan bolatyn.