Qazaqstan uldar men qyzdar quramasy «Dáýlet» tennıs ortalyǵynda 12 jasqa deıingiler arasynda ótip jatqan Azııa komandalyq birinshiliginiń (ITF Asian 12&Under Team Championships 2021) fınalyna shyqty, dep habarlaıdy Egemen.kz.
Qazaqstan tennıs federasııasy málim etkenindeı, elimizdiń qos quramasy alǵash ret fınalǵa qatar shyǵyp otyr. Sońǵy úsh jylda qazaqstandyq uldar qola júldeni qanaǵat tutqan edi. Bul joly О́zbekstanmen ótken jartylaı fınaldyq matchta qazaqstandyqtar jeńiske degen jigerlerin tanyta bildi. Komandaǵa alǵashqy upaıdy Rodıon Traıgel saldy. Ol úsh setke sozylǵan básekede Alan Zınatýlındi utty – 6:1, 1:6, 6:1.
Nur-Sultan ulttyq tennıs ortalyǵynyń túlegi Iаroslav Pshenıchnyıdyń Akmal Abdýllaevpen kezdesýi de tartysty ótti.
Birinshi partııada breık jasaǵan Iаroslav sol basymdylyǵynan aıyrylǵan joq. Ol ekinshi sette de esep 6:5 bolǵan mezette sheshýshi breıkti jasaı bildi – 7:5. Juptyq match eshqandaı ról oınamaǵandyqtan, qazaqstandyqtar kúshterin saqtaý úshin kortqa shyqqan joq.
Qazaqstandyq uldar fınalda Pákstan quramasymen bas júldeni sarapqa salady. Olardy toptyq básekede 2:1 esebimen utqan bolatyn. Qazaqstandyq qyzdar óz tarıhynda ekinshi ret Azııa komandalyq birinshiliginiń fınalyna shyqty.
Jartylaı fınalda qyzdar О́zbekstan quramasynan 3:0 esebimen basym tústi. Evelına Balaganskaıa Kıra Kımdi 6:1, 6:3 esebimen jeńse, Eva Korysheva Emılııa Kımdi qapy qaldyrdy – 6:1, 6:0. Juptyq synda da olar qarsylas shydatqan joq.
Fınalda qazaqstandyq qyzdar Úndistanmen synǵa túsedi. Toptyq básekede olardy 2:1 esebimen jeńgen bolatyn. Qyzdar 2019 jylǵy chempıondyq ataǵyn qorǵaıtyn bolady.