Palata Spıkeri Nurlan Nyǵmatýlınniń tóraǵalyǵymen ótken Májilis bıýrosynda jalpy otyrysta qaralatyn máseleler belgilendi, dep habarlady osy palatanyń baspasóz qyzmeti.
Palata qaraýyna «Qazaqstan Respýblıkasynyń sot júıesi men sýdıalarynyń mártebesi týraly» Konstıtýsııalyq zańǵa ózgerister engizý máselesi birinshi oqylymǵa shyǵarylady. Salalyq komıtettiń baıandaýynsha, qujat sýdıalardyń táýelsizdiginiń mártebesi men sýdıalyq qyzmetke úmitkerlerdi baıqaý arqyly irikteý júıesin damytýǵa jáne sýdıalyq qyzmetke úmitkerlerdi tańdaýdaǵy qoǵamnyń rólin jetildirýge baǵyttalǵan.
Jalpy otyrystyń kún tártibiniń jobasyna birinshi oqylymǵa Ákimshilik quqyq buzýshylyq týraly kodekske ózgerister engizý qosyldy. Sonymen qatar, 2011 jylǵy 18 qazandaǵy Erkin saýda aımaǵy týraly shartty onyń Taraptary men О́zbekstan Respýblıkasynyń arasynda qoldaný týraly Hattamany ratıfıkasııalaýǵa qatysty zań jobasy da bar.
Osylarmen qatar, palataǵa Qazaqstan-О́zbekstan arasyndaǵy strategııalyq áriptestik týraly shartty ratıfıkasııalaý týraly zań jobasyna qorytyndy ázirleý mezgilin naqtylaý usynyldy.