Qazaqstan Respýblıkasy Mádenıet jáne sport mınıstrligi Nur-Sultan qalasy ákimdiginiń qoldaýymen jáne «Astana Balet» teatrymen birlesip, Jambyl atyndaǵy Qazaq memlekettik fılarmonııasynyń jobasy - Qazaqstan Respýblıkasy Táýelsizdiginiń 30 jyldyǵyna «Arnaý» atty sımfonııalyq mýzyka keshin usynady, dep habarlaıdy Egemen.kz.
11 jeltoqsan kúni Elordadaǵy «Astana Balet» teatrynyń sahnasynda Lıds qalasyndaǵy (Ulybrıtanııa) bedeldi HH halyqaralyq pıanıster baıqaýynyń laýreaty, fenomenaldy qazaqstandyq pıanıst Álim Beısembaevtyń qatysýymen QR Memlekettik akademııalyq sımfonııalyq orkestriniń konserti ótedi.
Álim Beısembaevtyń jeńisi búkil álemdik klassıkalyq mýzyka qaýymy úshin tyń serpin bolǵany sózsiz.
Sońǵy jyldary qazaqstandyqtardyń óner salasyndaǵy jetistikteri kúlli ǵalamdy tań qaldyrýda.
Jas pıanıst Álim Beısembaevtyń da klassıkalyq mýzykada oryndaýshylyq bıigine jetip, eń bedeldi halyqaralyq baıqaýdyń jeńimpazy atanǵany elimiz úshin úlken jetistik.
Álim qazirgi ýaqytta professorlar Vanessa Latarsh pen Dmıtrıı Alekseevtiń jetekshiligimen Koroldik mýzykalyq kolledjde magıstratýrada oqıdy.
Elorda tórinde ótetin konsert kórermenderge jaqsy kóńil-kúı syılap, erekshe áserge bóleıtini sózsiz.