Joldaýǵa arnalǵan jıyn

Astanada Qazaqstan Res­pýb­lıkasy Qorǵanys mı­nıs­trliginiń Áskerı ókildikter ortalyǵynda Elbasynyń Qa­zaqstan halqyna Joldaýyn túsindirgen jıyn bolyp ótti. Je­ke quram «Qazaqstan joly – 2050: bir maqsat, bir múdde, bir bo­lashaq» at­ty Joldaýdyń negizgi tar­maq­taryn talqylady. Qorǵanys mınıstrligi Áskerı ókildikter ortalyǵynyń bastyǵy strategııalyq qujat erejelerine egjeı-tegjeıli túsindirme be­rip, áskerı qyzmetshilerdi qyzyq­tyrǵan birqatar suraqtarǵa jaýap berdi. Polkovnık Muhtar Qarabekov: – Bıylǵy Joldaýdyń aıyr­mashy­lyǵy elimizdiń álemniń damy­ǵan otyz eliniń qataryna kirý josparynyń tusaýkeserimen erek­she­lenedi. Bul jospar memle­ke­timizdiń alda turǵan jumys­tarynyń uzaq merzimdi basym­dyqtarynan turady. Qarýly Kúshterdiń Joǵarǵy Bas qol­bas­shysy bizge ynta-jigermen jumys isteıtin naqty tapsyrmalardy anyqtap berdi, – dedi. Sondaı-aq, atalǵan is-sharada áskerı ókildikterdiń bastyqtary qyzmetteriniń qorytyndysyn shyǵaryp, alda turǵan tapsyrmalardy talqylady. Bir jyl ishinde Áskerı ókil­dikter ortalyǵy Qazaqstan Res­pýblıkasy qorǵanys ónerkásibi kesheni kásiporyndarynyń óndi­ristik múmkindikterin, sondaı-aq ká­siporyndardyń memlekettik qor­ǵanys tapsyrys is-sharalary boıynsha konstrýktorlyq jáne tehno­logııalyq qujatnamasyn zerde­ledi. О́tken jyly áskerı maq­sat­taǵy ónimderdiń sapasyn baqylaýdy qamtamasyz etý sala­syndaǵy qoldanystaǵy kelisim­derge tekseris júrgizildi. – Qazirgi ýaqytta ortalyqtyń qa­lyptasý úderisi, normatıvti-qu­qyqtyq bazanyń qalyptasý, áskerı standarttardy ázirleý, mamandardy daıyndaý úderisi júrgizilýde. 2014 jylǵy qańtardan bastap áskerı ókildikter ónimderdiń sapasyn baqylaýǵa tolyq kiristi, – dep atap ótti polkovnık Muhtar Qarabekov. Ortalyq kásiporyndardyń menshik úlgisine táýelsiz mem­lekettik qorǵanys tapsy­rysynyń oryndalý sapasyna baqylaý júrgizý úshin osydan bir jyl buryn qurylǵan bolatyn. Onyń quramyna qorǵanys tapsyrystaryn oryndaıtyn kásiporyndarda qurylǵan 13 áskerı ókildik kiredi. «Egemen-aqparat».