Qazaqstannyń altyn qory 407 tonnaǵa jetti. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy Egemen.kz.
«Altyn-valıýta rezervteri bir aıda 309 mln AQSh dollaryna tómendep, osy jylǵy qarashanyń sońynda 35,5 mlrd AQSh dollary boldy. Altyn portfeli shamamen 407 tonnaǵa jetti jáne 267 mln AQSh dollaryna ósti», dedi Erbolat Dosaev.
Onyń aıtýynsha, erkin konvertasııalanatyn valıýtadaǵy aktıvter valıýtalyq ıntervensııa, memlekettik boryshty tóleý jáne Úkimettiń shottary boıynsha basqa da operasııalar esebinen 575 mln AQSh dollaryna tómendedi.
«Jalpy halyqaralyq rezervter bir aıda 435 mln AQSh dollaryna tómendep, 90,5 mlrd AQSh dollaryn qurady», dedi Ulttyq bank tóraǵasy.