Búgin Úkimet otyrysynda QR Ulttyq bank tóraǵasy Erbolat Dosaev aldaǵy jyly ınflıasııa 6-6,5%-ǵa jetetinin aıtty, dep habarlaıdy Egemen.kz.
«Qarasha-jeltoqsan» boljamdy raýndy aıasynda Ulttyq banktiń negizgi makroekonomıkalyq kórsetkishteriniń boljamdary jańardy. 2021 jyly joǵary bazadan shyǵý men syrtqy ınflıasııalyq qysymnyń qysqarýyn eskersek, 2022 jyly sharyqtaý shegi birinshi toqsanda ortasha eseppen toqsan ishinde 8,8% boljanatyn ınflıasııanyń baıaýlaýy kútiledi», dep habarlady Erbolat Dosaev Úkimet otyrysynda.
Osy arada, Ulttyq bank tóraǵasy 2022 jyly boljanatyn ınflıasııanyń paıyzdyq mólsherine toqtaldy.
«Jańartylǵan bazalyq ssenarııge sáıkes, munaı baǵasy bir barrel úshin 70 AQSh dollary bolǵan kezde ınflıasııa 2022 jyldyń sońyna taman ınflıasııaǵa qarsy den qoıý is-sharalarynyń keshenin tıimdi iske asyrý nátıjesinde 6,0-6,5% bolady», dep qosty Ulttyq bank tóraǵasy.