QR Premer-Mınıstri Asqar Mamın jumys saparymen Qostanaı oblysyna bardy. Onda jańa óndiristi iske qosyp, óńir turǵyndaryna memlekettik nagradalardy tabystady, dep habarlaıdy Egemen.kz QR Premer-Mınıstriniń baspasóz qyzmetine silteme jasap.
Qazaqstan Respýblıkasy Táýelsizdiginiń 30 jyldyǵyna arnalǵan saltanatty sharada sóılegen sózinde A. Mamın Qostanaı oblysy joǵary agrarlyq jáne ónerkásiptik áleýetke ıe bola otyryp, búkil eldiń áleýmettik-ekonomıkalyq damýyna eleýli úles qosyp jatqanyn atap ótti.
1991 jyldan bastap jalpy óńirlik ónim kólemi 10 ese ósti. Eldi ındýstrııalandyrý baǵdarlamasy óńirde buǵan deıin shyǵarylmaǵan, quny joǵary ondaǵan jańa ónim túrin óndirge múmkindik berdi. Bul – jeńil jáne júk avtomobılderi, avtobýstar, metall prokaty. Avtomobıl jasaý óniminiń 60%-dan astamy Qostanaı oblysyna tıesili. Aýyl sharýashylyǵy mashınalaryn jasaý jobalary qarqyndy túrde damyp jatyr. Traktorlardyń, kombaındardyń jáne basqa da aýyl sharýashylyǵy tehnıkasynyń ár túrin shyǵarý jolǵa qoıylǵan.
«Sizderdiń oblystaryńyz eldiń azyq-túlik qaýipsizdigin qamtamasyz etetin mańyzdy óńirlerdiń biri. 2020 jyldyń qorytyndysy boıynsha respýblıkanyń aýyl sharýashylyǵynyń jalpy óniminde oblystyń úles salmaǵy 9%-dan asty nemese 574 mlrd teńgeni qurady. Oblys elimizde un (737 myń tonna) óndirisi boıynsha birinshi orynda, sary maı, sút jáne kilegeı (5,7 myń tonna) óndirisi boıynsha ekinshi, jarma (6 myń tonna) óndirisi boıynsha úshinshi orynda», dedi A. Mamın.
О́ńirde kólik ınfraqurylymy belsendi túrde jańǵyrtylyp, balabaqshalar, mektepter, medısınalyq jáne sport obektileri salynýda. Táýelsizdik jyldarynda 6,2 mln sharshy metrden astam turǵyn úı boı kóterdi.
Oblystyń áleýetin damytý sheńberinde 2025 jylǵa deıin mashına jasaý, azyq-túlik ónimderin óndirý, AО́K, energetıka, TMK jáne t. b. perspektıvaly salalarda jalpy somasy 2 trln teńgeden asatyn 100-den astam mańyzdy ınvestısııalyq jobany iske asyrý josparda bar.
Memleket basshysy Qasym-Jomart Toqaevtyń Jarlyǵyna sáıkes, QR Premer-Mınıstri A. Mamın Táýelsizdik kúnine oraı Qostanaı oblysynyń aýyl sharýashylyǵy jáne ónerkásip kásiporyndarynyń basshylary men jumysshylaryna, memlekettik qyzmetshilerge, bilim jáne ǵylym, densaýlyq saqtaý salalarynyń qyzmetkerlerine, BAQ ókilderine jáne kásipkerlerge memlekettik nagradalardy tabystady.
II dárejeli «Dostyq» ordenimen Akademık Zulqarnaı Aldamjar atyndaǵy Qostanaı áleýmettik-tehnıkalyq ýnıversıtetiniń ekonomıka jáne quqyq ǵylymı-zertteý ortalyǵynyń dırektory Sergeı Jalybın marapattaldy.
«Parasat» ordeni «Ershovskoe-2» JShS dırektory Sábıt Aǵaıdarovqa, «Tobyl» áleýmettik-kásipkerlik korporasııasy» AQ basshysynyń keńesshisi Vıacheslav Dýdnıkke, «Alıýmınstroı» JShS dırektory Abaı Muqanovqa tapsyryldy.
«Qurmet» ordeni Arqalyq qalasynyń ákimi Ámirhan Asanov, «Qostanaı tańy» gazetiniń bas redaktory Januzaq Aıazbekovke, A. Baıtursynov atyndaǵy Qostanaı óńirlik ýnıversıteti rektorynyń keńesshisi Rımma Bekturǵanovaǵa, «Berkýt» JShS dırektory Sergeı Býblıkke, «Zań ǵylymynyń jáne praktıkasynyń ınnovasııalyq damý ortalyǵy» QQ sektorynyń meńgerýshisi Aman Mızanbaevqa, «Komarov taý-ken kásiporny» basqarmasynyń tóraǵasy Igor Nıkolıshınge, sharýa qojalyq basshysy Baımyrza Sataevqa, «Altynsarın» JShS bas ınjeneri Vıtalıı Shýshpannıkovke, Qostanaı oblystyq saılaý komıssııasy tóraǵasynyń orynbasary Serala Ahmetovke tabystaldy.
III dárejeli «Eńbek dańqy» ordenimen Amangeldi aýdandyq aýrýhanasynyń joǵary sanatty hırýrg dárigeri Janaı Erǵabylov jáne «Mechta-98» ShQ mehanızator-kombaınshysy Valerıı Pavlıýkoves marapattaldy.
Jumys sapary barysynda Úkimet basshysy «Auto Recycling» JShS qoldanystan shyqqan aýyl sharýashylyǵy tehnıkasyn qaıta óńdeıtin Qazaqstandaǵy alǵashqy jáne Ortalyq Azııada balamasy joq keshenniń ashylý rásimine qatysty. Kásiporynnyń qýaty jylyna 4 myń birlik agrotehnıkany quraıdy. Bul rette alynǵan metall jańa ónimdi shyǵarýǵa paıdalanylady. Joba aýyl sharýashylyǵy tehnıkasy parkin jańartýǵa múmkindik beredi jáne óńdeý salasyn damytýǵa yqpal etedi.
Premer-Mınıstr qýaty jylyna 46 myń tonna quıma jáne jetekshi beldemderdiń 74 myń birlik basty berilisterin quraıtyn «KamLitKZ» JShS jetekshi beldemderdiń basty berilisterin shyǵaratyn zaýyt pen shoıyn quıý zaýytynyń qurylysy barysymen tanysty.
Sondaı-aq A. Mamın oblystyq mańyzy bar «Qostanaı qalasyna kirme jol» avtomobıl joly boıynsha Tobyl ózeni arqyly ótetin kópirdiń ashylý rásimine qatysty. Qurylys jumystarynan keıin kópirdiń uzyndyǵy 72 metrden 261 metrge deıin, eni 9 metrden 24,5 metrge deıin ulǵaıtyldy, bul ótkizý qabiletin táýligine 11,7 myńnan 24,6 myń avtomobılge deıin arttyrýǵa múmkindik beredi.