Senatta Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysy ótti, dep habarlaıdy Egemen.kz.
Onda depýtattar «О́nerkásiptik saıasat týraly» jáne «Qazaqstan Respýblıkasynyń keıbir zańnamalyq aktilerine ónerkásiptik saıasat máseleleri boıynsha ózgerister men tolyqtyrýlar engizý týraly» zań jobalaryn talqylady.
«О́nerkásiptik saıasat týraly» zań jobasy ónerkásiptik saıasatty qalyptastyrý jáne iske asyrý kezinde týyndaıtyn ónerkásiptik saıasattyń negizgi qaǵıdattaryn belgileý jáne qoǵamdyq qatynastardy retteý maqsatynda ázirlendi.
Qujatta birqatar mindetter qamtylǵan, onyń ishinde óńdeý ónerkásibin damytý, jumys istep turǵan óndiristerdi jańǵyrtý men básekege qabiletti jańa óndiristerdi damytý úshin qolaıly jaǵdaılar jasaý, sondaı-aq ınnovasııalardy tıimdi engizý men joǵary tehnologııalyq óndiristerdi damytýdy yntalandyrý máseleleri qarastyrylǵan.
«Qazaqstan Respýblıkasynyń keıbir zańnamalyq aktilerine ónerkásiptik saıasat máseleleri boıynsha ózgerister men tolyqtyrýlar engizý týraly» zań jobasymen birqatar kodekster jáne zańdarǵa, jalpy alǵanda Qazaqstan Respýblıkasynyń 34 zańnamalyq aktisine ózgerister engizý josparlanyp otyr.
Osy eki qujat komıtettiń keńeıtilgen otyrysynyń qorytyndysy boıynsha Palatanyń qaraýyna jiberildi.