Álemde koronaavırýs ınfeksııasyn juqtyrý derekteriniń kóbeıgenine baılanysty Junior Eurovision-2021 balalar baıqaýynyń ashylý saltanaty delegasııasyz ótti, dep habarlaıdy Egemen.kz.
Tele-Loisirs portaly habarlaǵandaı, bıyl balalar baıqaýyna 19 delegasııa qatysady onyń ishinde Qazaqstannan kelgen qatysýshylar da bar.
Uıymdastyrýshylardyń málimetinshe, sharaǵa 3 myń adam jınaldy. Alaıda, koronavırýstyń jańa shtamynyń taralýyn eskere otyryp, uıymdastyrý komıteti sanıtarlyq qaýipsizdiktiń qatań sharalaryn qabyldady.
«Ashylý saltanaty saqtyq sharasy retinde qysqartyldy. Biraq biz shoýdyń ótýi úshin qoldan kelgenniń bárin jasaǵymyz keledi. Biz 13 jeltoqsanda barlyq delegasııalar bir jerge kóptegen ótkelder men baılanystarmen kelgen kezde táýekelge barǵymyz kelmedi. Sondyqtan ashylý saltanaty delegasııasyz ótti, biraq «YouTube» arnasynda jáne balalar Evrovıdenıesiniń saıtynda tikeleı efırde kórsetildi», deıdi uıymdastyrý komıtetiniń ókili Aleksandra Redde-Amıel.
Qazir Junior Eurovision prodıýserleri 19 jeltoqsanda ótetin úlken fınalǵa deıin qalǵan jumys tártibin anyqtaıdy.