Aqparat jáne qoǵamdyq damý mınıstrligi, Azamattyq bastamalardy qoldaý ortalyǵy men Azııa Damý Banki qazaqstandyq ÚEU-ny damytýdy qoldaý salasynda jumys isteıtin qyzmetkerlerdiń áleýetin arttyrýǵa baǵyttalǵan oqytý kýrstaryn ótkizý jónindegi ózara yntymaqtastyq týraly kelisimge qol qoıdy, dep habarlaıdy Egemen.kz.
Mınıstrlik jáne Ortalyq qyzmetkerlerine arnalǵan jobalardy basqarý, qarjylyq menedjment, áleýmettik jobalardy monıtorıngileý jáne baǵalaý, fandraızıng salasyndaǵy kýrstar, sondaı-aq trenerlerge arnalǵan trenıngter granttyq jáne jobalyq basqarý salasyndaǵy kadrlyq áleýetti arttyrýǵa, onyń ishinde qazaqstandyq úkimettik emes uıymdardyń kásibıligin arttyrýǵa baǵyttalǵan jobany iske asyrý jónindegi tehnıkalyq tapsyrma aıasynda ótkiziletin bolady.
«Áleýmettik jobalardy basqarý, monıtorıngileý jáne baǵalaý salasyndaǵy kýrstar ortalyq qyzmetkerlerine jumys prosesin jeńildetýge jáne aýqymdy derekterdi jınaý men taldaýǵa jumsalatyn ýaqytty qysqartýǵa, áleýmettik jobalarmen jumysty, granttyq qarajattardy monıtorıngileý ádisterin túsinýge múmkindik beredi. Qarjylyq esep negizderi qyzmetkerlerdiń qarjylyq menedjment jáne granttyq qarajat monıtorıngi salasyndaǵy daǵdylaryn jetildiredi, granttyq qarajatty basqarý tıimdiligin arttyrady. Fandraızıng kýrstarynda Ortalyq qyzmetkerleri ÚEU áleýmettik jobalary úshin halyqaralyq donorlyq qarajatty tartý quraldary týraly biledi. Munymen qosa, kýrstar aıaqtalǵan soń ortalyqtyń 10 qyzmetkeri bizdiń grant alýshylar úshin biliktilikti arttyrý kýrstaryn uıymdastyrý jumystaryna tartylatyn bolady. Biz ÚEU úshin grantty iske asyrǵannan keıin de olardyń turaqtylyǵyn qamtamasyz etýdi kózdep otyrmyz. Bul óz kezeginde qyzmetkerlerimizdiń alǵan bilimi men daǵdylaryn tuıyqtamaýǵa múmkindik beredi», dedi Lıma Dıas.
Atalǵan jobany Azııa Damý Banki jáne QR Úkimeti qarjylandyratynyn atap ótý qajet.