Ornyqty damý maqsattaryna jetý joldary

Konferensııanyń ashylýynda qaýymdastyqtyń basqarma tóraǵasy A.Soloveva bul alańnyń barlyq qatysýshy úshin paıdaly bolatynyna senimdi ekenin jetkizdi. «О́ıtkeni ornyqty damý maqsattary bilim berý, densaýlyq saqtaý, áleýmettik qorǵaý jáne jumysqa ornalastyrý, sondaı-aq klımattyń ózgerýimen jáne qor­shaǵan ortany qorǵaýmen kúres salasyndaǵy birqatar máseleni she­shýge baǵyttalǵan. Al bizdiń qaýym­dastyq iske asyryp jatqan StopMusor jobasy kóshedegi qoqys sanyn azaıtý boıynsha ekologııalyq problemany sheshýge yqpal etedi», dep atap ótti.

Konferensııa jumysyna Par­lament Májilisiniń depýtaty E.Abaqanov, RF-daǵy UN Global Compact keńsesiniń «Jahandyq sharttyń ulttyq jelisi» qaýym­das­tyǵynyń damý jónindegi dırektory L.Ovchınnıkova, Eýrazııa­lyq ekonomıkalyq komıssııanyń Teh­nıkalyq retteý jáne akkredıt­teý departamentiniń dırektory T.Nurashev qatysty.

T.Nurashev óziniń quttyqtaý só­zinde: «Odaq maqsattarynyń biri – qatysýshy memleketterdiń turǵyndarynyń ómir súrý deńgeıin arttyrý múddesinde olardyń ekonomıkasyn turaqty damytý úshin jaǵdaı jasaý. Bul ODM-men tikeleı baılanysty. Maqsattardy iske asyrý úshin qatysýshy memleketter ekonomıkanyń belgili bir salalary boıynsha úılestirilgen, kelisilgen jáne biryńǵaı saıasat júrgizedi jáne odaqqa tıisti quzyretter be­riledi. Tehnıkalyq retteý – odaq­tyń biryńǵaı saıasaty júzege asyry­latyn eki baǵyttyń biri. Bul ónimniń qaýipsizdigin qamtamasyz etýge baǵyttalǵan. Tehnıkalyq retteý quraldary arqyly bolashaqqa qoıylatyn talaptardy usynyp otyrmyz, ıaǵnı bizdiń tutynýshymyz qaýipsiz ortada ómir súrýi úshin ne isteýi kerek, sonymen qatar onyń turaqty damýmen tikeleı baıla­nysty neǵurlym qolaıly ortada ómir súrýi úshin ne isteýi kerek degen saýaldarǵa jaýap berý», dedi.

Konferensııanyń birinshi kúni Reseı, Qyrǵyzstan jáne Qazaq­stan­nyń memlekettik organdary, bilim berý mekemeleri, bıznes jáne azamattyq qoǵam ókilderi №3 ODM «Salamatty ómir saltyn qamtamasyz etý»; №4 ODM «Sapaly bilim berý»; № 12 ODM «Jaýapty tutyný jáne óndiris» máselelerin talqylady.

Barlyq qatysýshy ODM-ǵa tıim­di qol jetkizý úshin EAEO deń­ge­ıinde turaqty ózara is-qı­myl­­dyń, tá­jirıbe almasýdyń ma­ńyz­dylyǵy men qajettigin atap ótti. Máselen, 2020 jyly bekitilgen EAEO ıntegrasııa strategııasy sheń­be­rinde ODM jaýap beretin stra­te­gııalyq baǵyttardyń biri retinde sır­ký­lıarlyq ekonomıkany iske asyrý modeli kózdelgen.

Ekinshi kúni barlyq qatysý­shy, belsendi men volonter úshin tájirıbeli trenerlerdi tarta otyryp: «Úı jaǵdaıynda qaldyqtardy bólek jınaý qaǵıdalaryn engizý»; «Áleýmettik jeliler úshin beıne­kontentti qurý boıynsha master-klass – vırýstyq beınerolıktiń qu­pııalary»; «Netvorkıng boıynsha mas­ter-klass» jáne «Kóshbasshylyq qasıetterdi damytý. Kópshilik aldynda sóıleý daǵdylary» atty taqyryptarda onlaın-trenıngter ótkizildi.