«e-Salyq Business» mobıldi qosymshasy kásipkerlerge salyq mindettemesin oryndaýdy jeńildetedi, dep habarlaıdy Egemen.kz.
«Memlekettik kirister komıteti 2022 jyldyń 1 qańtarynan bastap arnaýly mobıldi qosymshany paıdalana otyryp jáne ońaılatylǵan deklarasııa negizinde arnaýly salyq rejımin qoldanatyn jeke kásipkerler úshin «e-Salyq Business» mobıldi qosymshasyn iske qosady», delingen QR Qarjy mınıstrligi Memlekettik kirister komıteti málimetinde.
Mobıldi qosymshanyń fýnksıonaly jeke kásipker retinde tirkelýge, salyq rejımin tańdaýǵa jáne ózgertýge, túbirtekter berýge, kirister tizilimin avtomatty túrde qalyptastyrýǵa, qosymshada eseptelgen salyq mindettemelerin tóleýge, onyń ishinde qyzmetkerler úshin, sondaı-aq aldyn ala toltyrylǵan ońaılatylǵan salyq deklarasııasyn usynýǵa múmkindik beredi.
Munymen qosa, arnaýly mobıldi qosymshany paıdalana otyryp, arnaýly salyq rejımin qoldaný kezinde salyq eseptiligin tapsyrmaýdy eskeredi. «Budan basqa, qosymshada bereshekti qaraý jáne tóleý, memlekettik kirister organdarynan habarlamalar alý, sondaı-aq ońaılatylǵan tártipte jeke kásipkerdiń qyzmetin toqtatý boıynsha qyzmetter qoljetimdi. Qosymsha «Play Market» jáne «App Gallery»-de qoljetimdi», dep atalyp ótken komıtet aqparatynda.