Úzdik jastar marapattaldy

Is-sharaǵa «Elbasy meda­liniń» ıegerleri, elimizdiń bel­gili memleket jáne qoǵam qaı­ratkerleri, memlekettik organ­dardyń ókilderi, ǵa­lym­dar men belsendi jastar qa­tysty.

«Elbasy medali» – jastardy keshendi damytýǵa baǵyt­talǵan ulttyq deńgeıdegi baǵ­darlama. Qatysýshylar «altyn», «kúmis» nemese «qola» deń­geılerin tańdap, jeti ba­ǵyt boıynsha daǵdylardy damytady: sport, talanttar men daǵdylar, kitap oqý, ulttyq mura, volonterlik, týrıstik joryqtar, eńbek tájirıbesi. Qatysýshylar túrli kezeńnen ótýi tıis. Fınalıster «Elbasy medalin» ıelendi. Baǵdarlamaǵa 14-29 jas aralyǵyndaǵy jas qazaqstandyqtar qatysty.

Is-shara uıymdastyrýshy­larynyń aıtýynsha, bul óske­leń urpaq úshin óte tıimdi joba. Sebebi aldyna qoıǵan maq­sattaryna jetý úshin úlken yn­­talandyrý ispettes. «Bú­gin­­de jastarǵa úlken kóńil bó­­linýde. Jastardyń jeke tul­ǵa bolyp qalyptasýy úshin barlyq múmkindik ja­salý­da. «Elbasy medali» baǵ­dar­lamasy – bul bilimdi je­tildirýge jáne tulǵalyq ósýge baǵyttalǵan biregeı joba. Joba qatysýshylardyń talanttaryn ashýǵa kómektesedi, olar bilimge umtylady, qoǵam ómirine belsendi qatysady, bolashaqta ómirde paıdaly bolatyn tá­jirıbe jınaıdy. Jastar – elimizdiń bolashaǵy. Sondyqtan búgingi jastar bilimdi, talantty, tabysty, ıntellektýaldy jáne belsendi bolýy kerek. Bul úshin barlyq jaǵdaı jasalýda», dedi Qazaqstan Jastar kongresiniń atqarýshy dırektory Toqtar Bolysov.

2021 jylǵy 15 jeltoqsanda Nur-Sultan qalasynda «Elbasy medali» baǵdarlamasyna qatysýshylardy marapattaý jónindegi komıssııanyń otyrysy ótti. Komıssııa baǵdarlamany iske asyrý nátıjelerin qarap, baǵdarlamany tabysty aıaqtaǵan 2 259 adamdy marapattaýǵa usyndy. Olardyń 2 216-sy qola, 40-y kúmis jáne 3-eýi altyn medal ıelendi. Sondaı-aq 344 qatysýshy baǵdarlamany aıaqtap, sertıfıkat alady.

Qazirgi ýaqytta «Elbasy medali» baǵdarlamasyna 20 000-nan astam adam qatysýda. Onyń 83%-y – mektep oqýshylary, 11%-y – stýdentter, 6%-y –jumys isteıtin jastar, 24%-y – aýyldyq jerlerden kelgen qaty­sýshylar. 2019 jyldan bas­tap jalpy alǵanda medaldardy 6 186 qazaqstandyq aldy, Memlekettik bilim berý granttary «Elbasy medaliniń» 605 ıegerine berildi, olardyń 30%-dan astamy – aýyl mektepteriniń túlekteri.